02.07.2026 | 20:10
Զելենսկին հայտարարել է, որ Ռուսաստանը պատասխան կստանա Կիևի վրա զանգվածային հարվածի համար
Թող ՀՀ-ում կարգավորվի աջակողմյան ղեկը ձախի վերափոխումը, որ գումարները դուրս չգան երկրից. Ս.Բագրատյան․ ՏԵՍԱՆՅՈՒԹ
Քաղաքականություն
14.03.2019 | 13:11
Հապճեպ ընդունված օրենքների պրակտիկան պետք է տեղ չգտնի մեր օրակարգում: Մարտի 14-ին ՀՀ Ազգային ժողովում «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ օրենքում փոփոխություն կատարելու նախագիծը երկրորդ ընթերցմամբ և ամբողջությամբ ընդունելու մասին հարցի քննարկման ժամանակ ասաց ԲՀԿ խմբակցության պատգամավոր Սերգեյ Բագրատյանը:
«Հասկանալի է, որ մեր քաղաքացիներին հուզող խնդիրն արագ է պետք լուծել: Բայց ես անցակետում հանդիպեցի շահագրգիռ մարդկանց հետ, որոնք ևս մեկ անգամ խնդրում են, որ մենք նայենք հնարավորությունները, որ եթե պետք է հետագայում դադարեցնենք, կարողանանք այդ հիմնավորումները ներկայացնենք»,- ասաց պատգամավորը:
Սերգեյ Բագրատյանն առաջարկում է քննարկումների ժամանակ հաշվի առնել նաև այն, որ որոշ քաղաքացիների համար սա եկամտի աղբյուր է. «Հաշվի առնենք այն հանգամանքը, որ սա նաև բիզնես է մեր քաղաքացիների համար, նրանք ներկրում և վաճառում են, որոշակի շահ են ստանում: Եթե պետք է Վրաստանում անեն ղեկը աջից ձախ փոխելու գործողությունը, թող Հայաստանում դա կարգավորվի, որպեսզի այդ գումարները դուրս չգան երկրից»:
Մանրամասները՝ տեսանյութում:
