02.07.2026 | 20:35
Արթուր Հովհաննիսյանը շնորհավորել է ինձ, որևէ մեկը մյուսից չի նեղանում. Արուսյակ Մանավազյան. ՏԵՍԱՆՅՈՒԹ
3 անչափահաս երեխաներիս հետ ապրում ենք փլուզվող շենքում. Լենուղի գյուղի բնակիչ. ՏԵՍԱՆՅՈՒԹ
Տնտեսություն
14.03.2019 | 11:51
Արմավիրի մարզի Լենուղի գյուղի վթարային շենքի բնակիչները Կառավարության շենքի առջև բողոքի ակցիա են կազմակերպել՝ պահանջելով իրենց կացարան հատկացնել:
Գյուղի բնակիչներից Նարինե Գաբրիելյանի խոսքով՝ վթարային շենքում ապրելն իսկական սարսափ է, ամեն վայրկյան փլուզման վտանգ կա: «3 անչափահաս երեխաներիս հետ ապրում եմ փլուզվող շենքում: Երիտասարդ ընտանիք ենք, բայց ինչ պայմաններում ենք ապրում»,- ասաց Նարինե Գաբրիելյանը:
Մկրտիչ Սահարյանն էլ նշեց, որ Արմավիրի նորընտիր մարզպետ Համբարձում Մաթևոսյանը նույնպես իրենց այցելել է և ասել, որ այդ շենքում ապրել հնարավոր չէ: «ԱԻՆ-ից էլ եկան, շենքը նայեցին և ասացին, որ շենքից պետք է բոլորը տարհանվեն, և այն պետք է պարսպապատվի՝ 5 մետր հեռավորությամբ, որպեսզի ոչ ոք մոտ չգնա»,- նշեց Մկրտիչ Սահարյանը։
Նրա խոսքով՝ վթարային շենքում այս պահին 22 ընտանիք է բնակվում: 2015 թվականին վթարային շենքերից մեկի բնակիչներին 6 մլն 600 հազար դրամ փոխհատուցում է հատկացվել, մյուս երկու շենքերի փոխհատուցումը խոստացել են եռամսյակը մեկ հատկացնել: «Խոստացան փոխհատուցել, սակայն այդ ժամանակ եղավ քառօրյա պատերազմը, հետո՝ հեղափոխությունը: Նորընտիր մարզպետն այժմ ասում է՝ իրենցից կախված բան չկա, ինքն ԱԻ նախարարին ներկայացրել է խնդիրը, նախարարն էլ ասել է, որ այդպիսի 55 շենք կա»,- ասաց Սահարյանը:
Մանրամասները՝ տեսանյութում:
Նելլի Մելքոնյան
