02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Այս խնդիրը մնացել է նախկին իշխանություններից կողմից հապճեպ ընդունված նախագծերի արդյունքում. «Իմ քայլի» պատգամավորը՝ աջ ղեկով մեքենաների մասին․ ՏԵՍԱՆՅՈՒԹ
Քաղաքականություն
14.03.2019 | 11:41
Սա խնդիր է, որը մեզ մնացել է նախկին իշխանությունների կողմից երբեմն հապճեպ, ոչ պատշաճ, ամբողջությամբ խորությամբ չքննարկված օրենքի նախագծերի ընդունման արդյունքում:
Մարտի 14-ին ՀՀ Ազգային ժողովում «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ օրենքում փոփոխություն կատարելու նախագիծը երկրորդ ընթերցմամբ և ամբողջությամբ ընդունելու մասին հարցի քննարկման ժամանակ ասաց «Իմ քայլը» խմբակցության պատգամավոր Գևորգ Պապոյանը:
«Այս օրենքը, որքան էլ բարի ցանկություն է եղել, լավ նպատակներով է ընդունվել, թերի է և ոչ միայն խնդիրներ չի լուծել, այլ որոշ դեպքերում, խնդիրներ է առաջացրել»,- ասաց պատգամավորը: Նրա խոսքով՝ այսօր էլ շարունակում են Հայաստան ներկրել ի սկզբանե աջակողմյան, բայց ղեկային տեղաբաշխումը փոխված մեքենաներ, ինչը նույնպես խնդիրներ է առաջացնում: «Մեր քաղաքացիներն այդ մեքենաները գնում են, բերում են մեր հարևան, բարեկամ Վրաստան, այնտեղ ղեկային տեղաբաշխումը փոխում են աջից ձախի և շարունակում են ներկրել Հայաստան: Արդյունքում աջ ղեկով մեքենաներ հնարավոր չէ ներկրել Հայաստան, փոխարենը ներկրվում են մեքենաներ, որոնք աջից ձախ են ձևափոխված անհայտ ծագման մասնագետների կողմից, արդյունքում դրանք լուրջ խնդիր են առաջացնում: Այստեղ ուղղակի մենք կարևոր օրենսդրական լուծման խնդիր ունենք՝ տեխնիկական զննության հետ կապված և, կարծում եմ, մենք այս հարցին պետք է շուտափույթ լուծում տանք»,- նշեց պատգամավորը:
Մանրամասները՝ տեսանյութում:
