21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Սրճարանատերերն անջատել են հոսանքը՝ խոչընդոտելով ապամոնտաժման աշխատանքները. Վիկտոր Մնացականյան. ՏԵՍԱՆՅՈՒԹ
Հասարակություն
13.03.2019 | 15:49
Այս պահին սրճարանատերերն անջատել են հոսանքը՝ խոչընդոտելով ապամոնտաժման աշխատանքները։ Երբ կրկին հոսանք լինի, կշարունակենք։ Լրագրողների հետ զրույցում այս մասին ասաց Երևանի Կենտրոն վարչական շրջանի ղեկավար Վիկտոր Մնացականյանը։
Նրա խոսքով՝ սա ընդամենը բարեկարգում է, և որևէ քաղաքական կամ անձնական խնդիր չկա։
«Սրանք ինքնակամ կառույցներ են՝ սիզամարգերի վրա կառուցված։ Թամանյանի նախագծած Երևանում այս սրճարանները եղե՞լ են։ Այս մարդիկ նախագիծը խախտել են։ Օրինակ՝ «Ատլանտիս Գարդենն» ընդամենը 90․000 դրամ ամսավճարով ամբողջ 100քմ տարածքը վարձակալել է»,- նշեց Վիկտոր Մնացականյանը։
Նրա խոսքով՝ այժմ քաղաքապետարանում քննարկում են գոտիավորման հարցը։ «Որոշակի հատվածներ կան քաղաքում, որոնք սրբության պես պետք է պահենք։ Սրճարանները, տարիների ընթացքում, Երևանի ինքնության մի մասն են դարձել։ Բայց այս հատվածն անմիջապես հարում է Օպերայի շենքին»,- ընդգծեց Կենտրոն վարչական շրջանի ղեկավարը։
Ապամոնտաժման երկրորդ փուլը, Վիկտոր Մնացականյանի փոխանցմամբ, կմեկնարկի որոշ սրճարանների դատական գործերի ավարտից հետո միայն։
Մանրամասները՝ տեսանյութում:
Նելլի Մելքոնյան
