03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Հարց է՝ կոռոպցիայի կանխարգելման հանձնաժողովը կարո՞ղ է աշխատել, թե՝ ոչ․ Արմեն Խաչատրյան․ ՏԵՍԱՆՅՈՒԹ
Քաղաքականություն
13.03.2019 | 13:57
Ազգային ժողովն այսօր առաջին ընթերցմամբ ընդունեց «Հանրային ծառայության մասին» օրենքում փոփոխություններ կատարելու մասին օրենսդրական նախաձեռնությունը, որով նախատեսվում է կարգավորել այն խնդիրները, որոնք առաջացել են Կոռուպցիայի կանխարգելման հանձնաժողովի չստեղծման պատճառով։
Նախքան օրենսդրական նախաձեռնության քվերակությունը, ԱԺ «Իմ քայլը» խմբակցության պատգամավոր Արմեն Խաչատրյանը նշեց, որ կոռուպցիայի կանխարգելման հանձնաժողովի ստեղծման վերաբերյալ օրենսդրական դրույթն ունի վերանայման անհրաժեշտություն։
«Մենք պետական կառույցներում ունենք մարմիններ, որոնք ունեն այդ լիազորությունները, որով և՛ պետք է կանխարգելեն կոռուպցիան, և՛ բացահայտեն։ Արդյոք անհրաժեշտ է ունենալ կոռուպցիայի կանխարգելման մասին առաձին հանձնաժողով և դեռ հարց է ՝ այն կյանքի կկոչվի՞, թե՝ ոչ, կարո՞ղ է աշխատել, թե՝ ոչ»,- հարցադրում հնչեցրեց պատգամավորը։
Ըստ Խաչատրյանի՝ ոստիկանությունը, օրինակ, ունի նման ստորաբաժանում և անհրաժեշտ գործիքակազմ, որով պարտավոր է իրականացնել կոռուպցիայի դեմ պայքար և կանխարգելում։
Մանրամասները՝ տեսանյութում։
Աղավնի Սուքիասյան
