17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Քարաձոր համայնքը մնացել է առանց համայնքի ղեկավարի ու ավագանու
Հասարակություն
12.03.2019 | 17:47
Լոռու մարզի Քարաձոր համայնքի ղեկավարն ու ավագանու 4 անդամները հրաժարականի դիմում են ներկայացրել:
Համայնքի արդեն նախկին ղեկավար Արա Մատինյանը, որն այդ պաշտոնում էր 2005 թվականից, այս պահին հրաժարականի հետ կապված մանրամասներ հայտնել չի ցանկանում. «Ես իմ հրաժարականն արդեն տվել եմ, ամեն ինչր նորմալ է: Սպասեք էս հարցերը վերջացնեմ, նոր լրագրողների հետ կխոսամ»:
Հրաժարական ներկայացրած համայնքի նախկին պաշտոնյաններն այլեւս միմյանց հետ աշխատել չեն ցանակացել, ինչն էլ բերել է այսօրվան. «Գիտենք, որ իրար մեջ հակամարտություն կա, բայց ոչ մի կողմը չի ուզում այդ մասին խոսել: Ավագանու անդամներն ու համայնքի ղեկավարը չեն կարողանում իրար հետ աշխատել»,- ասաց Լոռու մարզպետարանի աշխատակազմի ՏԻ եւ ՀԳՄՀ վարչության ՏԻ եւ համայնքային ծառայության հարցերի բաժնի պետ Ժիրայր Ղազարյանն ու տեղեկացրեց, որ նախնական տվյալներով Քարաձորում արտահերթ ընտրություն կանցկացվի հունիսի 9-ին.
«Երբ որ իրենք կներկայացնեն նիստի արձանագրությունը, եռօրյա ժամկետում մարզպետը նշանակում է համայնքի ղեկավարի պաշտոնակատար: Որից հետո հանարապետությունում առաջին ընտրությունների օրն ամենայն հավանականությամբ կլինի ընտրություն»:
Հիշեցնենք, որ Քարաձորը մարզի այն համայնքներից է, որ աչքի է ընկնում հարկերի հավաքագրման ցածր ցուցանիշով:
Տաթեւիկ Ղազարյան
