28.09.2026 | 14:12
Գերիների վերադարձ որպես պահանջ չեն ներկայացնում, այլ ակնկալում են․ ակնհայտ է խոսույթի փոփոխությունը․ Աննա Մելիքյան․ ՏԵՍԱՆՅՈՒԹ
ԱՄՆ կոնգրեսականները Հայոց ցեղասպանության վերաբերյալ նոր բանաձև են ներկայացրել Կոնգրես
Քաղաքականություն
12.03.2019 | 14:03
Ամերիկացի կոնգրեսականներ Ադամ Շիֆը և Գաս Բիլիրաքիսը ԱՄՆ-ի կողմից Հայոց ցեղասպանության ճանաչման և զոհերի հիշատակման վերաբերյալ նոր բանաձև են ներկայացրել Կոնգրես: Այս մասին հայտնում է asbarez.com-ը։
Աղբյուրի փոխանցմամբ՝ փաստաթուղթը տարբերվում է նախորդներից: Այն ներառում է կետեր, որոնք ուղղված են Հայոց ցեղասպանության ճանաչման համար առանձին քայլերի իրականացմանը:
«Փաստաթուղթը նախատեսում է ԱՄՆ-ի կողմից 1915 թվականի իրադարձությունների ընդունում, ողբերգության զոհերի հիշատակի հարգում, ԱՄՆ-ի և նրա պետական մարմինների կողմից Հայոց ցեղասպանությունը ժխտող քաղաքականության բացառում, ինչպես նաև համալիր սկզբունքներ՝ ուղղված Ցեղասպանության մասին հանրային իրազեկման բարձրացմանը»,- հայտնում է Ամերիկայի Հայ դատի հանձնախումբը (ANCA)։
Ամերիկացի կոնգրեսականները գրավոր դիմել են նաև Ներկայացուցիչների պալատի այլ անդամների և կոչ արել աջակցել բանաձևին:
Նելլի Մելքոնյան
