02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Մենք սատարում ենք Մինսկի խմբի աշխատանքներին. Ապատուրայը ԼՂ հակամարտության կարգավորման մասին. ՏԵՍԱՆՅՈՒԹ
Քաղաքականություն
11.03.2019 | 19:45
ՆԱՏՕ-ն չի միջամտում հակամարտությունների հանգուցալուծմանը, և դա է պատճառը, որ դաշինքը չի արձագանքում հայ-ադրբեջանական շփման գծում միջադեպերին. այսօր հրավիրված մամուլի ասուլիսին ասաց Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը:
«Մենք սատարում ենք Մինսկի խմբի աշխատանքներին և համանախագահները պարբերաբար հրապարակում են իրենց դիտարկումներն այդ կապակցությամբ, որոնց մենք սատարում ենք։ ՆԱՏՕ-ն հաստատապես պնդում է, որ այս հակամարտությունը կարող է խաղաղ ճանապարհով լուծվել»,- հայտարարեց Ապատուրայը:
Լրագրողները հետաքրքրվեցին՝ ի՞նչ կարծիք ունի ՆԱՏՕ-ն Ռուսաստանի խնդրանքով Սիրիա հայկական խաղաղապահ զորախումբ ուղարկելու փաստի մասին։ Ըստ Ջեյմս Ապատուրայի Հյուսիսատլանտյան դաշինքը ըմբռնումով է մոտենում խնդրին. «Մենք հստակ հասկանում են այն քաղաքական և մարդասիրական նկատառումները, որով Հայաստանը օգնության ձեռք է մեկնում այդ համայնքին»։
Հայաստանի հետ գործակցության մասին խոսելով՝ Ջեյմս Ապատուրայը շեշտեց՝ որևէ խոչընդոտ չկա երկկողմ քաղաքական հարաբերությունները խորացնելու։ Այստեղ ամեն ինչ կախված է երկու կողմերի ներուժից, ռեսուրսներից ու ցանկությունից։
Մանրամասները՝ տեսանյութում:
Ռոբերտ Անանյան
