15.01.2025 | 20:00
Կիսիլյովի՝ Ալիևի գովքը վերջին կաթիլն էր․ դադարեցնե՛լ ռուսական ալիքների հեռարձակումը․ Լևոն Բարսեղյան. ՏԵՍԱՆՅՈՒԹ
150-300 ընտանիք կմնա գործազուրկ. բողոքի ակցիայի մասնակից. ՏԵՍԱՆՅՈՒԹ
Տնտեսություն
11.03.2019 | 11:55
Կառավարության շենքի դիմաց ընթանում է «Պետական տուրքի մասին ՀՀ օրենքում փոփոխություններ և լրացումներ կատարելու մասին» նախագծով սպասվող փոփոխությունների դեմ բողոքի ակցիան։
Ակցիայի մասնակիցների պնդմամբ՝ կառավարությունը պատրաստվում է 60 անգամ ավելացնել նշյալ ոլորտների պետական տուրքը, ըստ որի՝ գրավատների համար ներկայիս 100 000 դրամի փոխարեն կսահմանվի 6 միլիոն, իսկ փոխանակման կետերի համար՝ 50 000-ի փոխարեն՝ 3 միլիոն դրամ պետական տուրք:
Բողոքի ակցիայի մասնակից, անհատ ձեռնարկատեր Սամվել Մովսիսյանի խոսքով՝ կառավարությունն իր խոստումները չի կատարում և նման քայլի է գնում՝ առանց նախապես հաշվարկներ կատարելու։
«Եթե հաշվարկ անեին, կպարզվեր, որ տարադրամի փոխանակման կետերի մեծ մասն այդքան շահույթ չի ստանում և որ իրենց առաջարկած գումարի չափը տարադրամի փոխանակման կետերի 80%-ի շահույթն է։ Հիմա ստացվում է, որ 150-300 ընտանիք գործազուրկ է դառնալու։ Այսպե՞ս են փոքր և միջին բիզնեսին զարկ տալիս»,- հարց է հնչեցնում Սամվել Մովսիսյանը։
Մասնակիցներն առաջարկում են պետական տուրքի չափն անփոփոխ թողնել, անգամ՝ նվազեցնել։ Առարկություններն ու առաջարկները պատրաստվում են նամակի տեսքով կառավարությանը հանձնել։
Նելլի Մելքոնյան
