20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Գրեթե 2,7 մլրդ դոլար մեր երկրի ՀՆԱ մուտք չի լինում կանանց աշխատանքի մեջ չընդգրկելու պատճառով․ Գայանե Աբրահամյան․ ՏԵՍԱՆՅՈՒԹ
Քաղաքականություն
08.03.2019 | 15:11
ՀՀ Ազգային ժողովի և ՕքսԵՋեն հիմնադրամի նախաձեռնությամբ այսօր Ազգային ժողովում տեղի ունեցավ «Քաղաքացիական
հասարակություն-Ազգային ժողով համագործակցության հարթակ՝ հանուն կանանց և տղամարդկանց հավասար իրավունքների և հավասար հնարավորությունների» խորագրով միջոցառումը:
Ազգային ժողովի «Իմ քայլը» խմբակցության պատգամավոր Գայանե Աբրահամյանն իր ելույթում անդրադառնալով կանանց և տղակարդկանց իրավահավասարության խնդրին՝ նշեց, որ որպես օրենսդիր մարմնի ներկայացուցիչ աջակցելու է գենդերազգայուն նախագծերի ներդրմանը։
«Անհավասարությունն ակնառու է հատկապես աշխատաշուկայում, ՀՀ-ում բարձրագույն կրթություն ունեցողների 59 տոկոսը կին է, սակայն պաշտոնապես գործազուրկների 70 տոկոսը ևս կանայք են։ Կանայք 70 տոկոս են կազմում նաև հուսազուրկների թվում․ այսինքն՝ անգամ աշխատանք չեն փնտրում»,- վիճակագրությունը ներկայացրեց Աբրահամյանը՝ հավելելով, որ կանանց անտեսումը պետության վրա բավական թանկ է արժենում։
«Գենդերային անհավասարության պատճառով մեծ կորուստներ ենք ունենում։ Կանանց աշխատաշուկայում չներգրավելու, անհավասար մրցակցության, աշխատել չտույլատրելու, բռնության և կարծատիպերի պատճառով մեր երկրի ՀՆԱ մուտք չի լինում գրեթե 2,7 մլրդ դոլար»,- նշեց պատգամավորը։
Մանրամասները՝ տեսանյութում։
Աղավնի Սուքիասյան
