03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Կաթսաներով ու թավաներով ակցիա. Մադրիդում կանայք Մարտի 8-ը դիմավորել են բողոքի ցույցով
Քաղաքականություն
08.03.2019 | 13:07
Մադրիդում հարյուրավոր կանայք Մարտի 8-ի գիշերը կաթսաներով ու թավաներով դուրս են եկել քաղաքի կենտրոնական Պուերտո դել Սոլ հրապարակ՝ բողոքի ակցիայի: Այս մասին գրում է Gazeta-ն՝ վկայակոչելով Reuters-ը:
Ակցիայի մասնակիցների մեծ մասը կարմիր հագուստով և պայուսակներով է եղել. այս գույնը կանանց իրավունքների համար պայքարի խորհրդանիշն է:
«Կարևոր է մեր իրավունքների մասին հիշեցնելը, հատկապես այսօր, քանի որ մեր հանրությունում դեռ շատ խնդիրներ կան, որոնց բախվում են կանայք և որոնք պետք է հաղթահարել: Մենք ապրում ենք հայրիշխանության հասարակությունում»,- ասել է ակցիայի մասնակիցներից Աբրիլ Վիլատրոլոլը:
Ֆեմինիստուհիների ակտիվության պատճառը Vox ծայրահեղ աջ կուսակցության ժողովրդականության աճն է, որը, հարցումների համաձայն, ապրիլի 28-ին նախանշված ընտրությունների արդյունքում առաջին անգամ կարող է հայտնվել խորհրդարանում: Կուսակցության ղեկավարությունը կոչ է անում չեղարկել գենդերային բռնության մասին Իսպանիայում ընդունված օրենքները:
Մինչ այդ, կանանց իրավունքների պաշտպանության հարցում ակտիվ են ձախամետ կուսակցությունները, այդ թվում՝ սոցիալիստները՝ վարչապետ Պեդրո Սանչեսի գլխավորությամբ:
