28.09.2026 | 12:10
Թաթան կոպիտ սխալ է որակել սեպտեմբերի 27-ին համերգ ցուցադրելը // Պապիկյանն անակնկալ զորամաս է այցելել․ ԼՈՒՐԵՐ
ԼՂ հակամարտությունը կարելի էր կարգավորել՝ Ադրբեջանին վերադարձնելով Արցախի զբաղեցրած շրջանները. Զատուլին
Քաղաքականություն
07.03.2019 | 15:59
Արցախի անկախությունն այլևս անհնար է ջնջել, Լեռնային Ղարաբաղի հակամարտությունը կարելի էր կարգավորել՝ Ադրբեջանին վերադարձնելով ռազմական գործողությունների արդյունքում Արցախի կողմից զբաղեցրած շրջանները: Riafan.ru-ի փոխանցմամբ՝ այս մասին ասել է ՌԴ Պետդումայի պատգամավոր, ԱՊՀ երկրների ինստիտուտի տնօրեն Կոնստանտին Զատուլինը:
Նրա կարծիքով՝ Ղարաբաղյան հակամարտությունը կարելի է լուծել ավելի դյուրին, քան ԽՍՀՄ տարածքում ցանկացած այլ հակամարտություն:
Մոսկվայում անցկացված Լազարևյան ակումբի երկօրյա նիստի ավարտին ունեցած ելույթում Պետդումայի պատգամավորը նաև նշել է, որ Հայաստանի ճակատագիրն անքակտելի է Լեռնային Ղարաբաղից:
«Մենք ռազմական ծրագրեր չենք կառուցում, որևէ մեկին հաղթանակի կոչ չենք անում, բայց ոչ ոք չի կարող Հայաստանի ճակատագիրն առանձնացնել Լեռնային Ղարաբաղից: Մենք Արցախի մեր ընկերներին չենք կտրի Լազարևյան ակումբի գործունեությանը մասնակցությունից: Դա անընդունելի է: Ես անձամբ հանդես եմ գալիս այդ հակամարտության արագ կարգավորման օգտին: Արցախի անկախությունն այլևս չի կարելի ջնջել, իսկ մնացյալ ամեն ինչ քննարկելի է»,- ասել է Զատուլինը:
Նա համոզմունք է հայտնել, որ իրավիճակի լուծում կդառնար ռազմական գործողությունների արդյունքում Արցախի կողմից զբաղեցրած շրջաններն Ադրբեջանին վերադարձնելը՝ Բաքվի կողմից հանրապետության անկախությունը ճանաչելու դիմաց:
