11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Փոխքաղաքապետը չի բացառում, որ ավտոբուսների վարորդները վաղը ևս կարող են երթուղի դուրս չգալ. ՏԵՍԱՆՅՈՒԹ
Հասարակություն
07.03.2019 | 15:37
Մեքենաներից տեսախցիկները հանելու հետ կապված քաղաքապետարանի կողմից հանձնարարական չի եղել։ Այս մասին մարտի 7-ին ավտոբուսների վարորդների գործադուլի խնդրով հրավիրված ճեպազրույցի ընթացքում նշեց Երևանի փոխքաղաքապետ Հրաչյա Սարգսյանը:
«Եթե հանվել են, ուրեմն կվերադառնան իրենց տեղը։ Այն վարորդները, որոնք չեն ցանկանում աշխատել նոր պայմաններով, թող իրենց կամքով դիմում ներկայացնեն»,- հայտարարեց Հրաչյա Սարգսյանը։
Նրա խոսքով՝ աշխատանքից դուրս գալ ցանկացողների հստակ պատկեր ունենալու դեպքում համապատասխան հաղորդագրություն կտարածեն, որպեսզի արագ համալրեն հավելյալ տեղերը։
«Ներողություն եմ խնդրում, եթե այնպես ստացվի, որ այդ վարորդները նորից շարունակեն չաշխատել։ Այս ամենն անում ենք Երևան քաղաքի բնակիչների անվտանգության ու ապահովության համար, այն մարդկանց, որոնք ցանկանում են, որ Երևանում ունենանք իրական, շոշափելի բարեփոխումներ»,- ընդգծեց փոխքաղաքապետը։
Մանրամասները՝ տեսանյութում:
Նելլի Մելքոնյան
