Հասարակություն
07.03.2019 | 12:19Կառավարության շենքի դիմաց այսօր բողոքի ակցիա էր իրականացնում տիկին Սմբուլ Հովհաննիսյանը, որը հայտնի է ոստիկանապետ Վալերի Օսիպյանի հետ «հակամարտությամբ»։
Սմբուլ Հովհաննիսյանի պնդմամբ՝ 2014 թվականի հունիսի 1-ին Վալերի Օսիպյանի եղբորորդու կողմից եղել է դանակահարություն, և կնոջ պնդմամբ, պարոն Օսիպյանն առաջարկել էր, որ նրա որդին «վիզ վերցնի» դանակահարությունը, և ինքը նրան կօգնի քրեական գործի նախաքննության ժամանակ. «Ես վիզ չվերցրի, ու ինքը ինձնից վրեժ լուծեց, 2014 թվականի սեպտեմբերին իր շատ լավ ծանոթ՝ Խաչատուր Մարոզյանը, դրա միջոցով էս կնոջը բերեց ես սեփականացրած պատ ունեի, էդ սեփականությունը սեփականացրեց նրա անունով, ու քաղաքապետարանին պատկանող տարածքները վերցրել ա իրեն, չի թողնում, որ ես կոյուղի իջեցնեմ»։
Սմբուլ Հովհաննիսյանը նշեց, որ ինքը դիմել է իրավապահ մարմիններին, սակայն իր բողոքները արդյունք չեն տալիս։
Factor.am-ի հարցին՝ ի՞նչ կապ ունի ՀՀ ոստիկանապետ Վալերի Օսիպյանն այս պատմության հետ, կինը պատասխանեց, որ «նա է հովանավորել այս ապօրինությունը։ 2018 թվականի հոկտեմբերի 18-ին իմ տուն էր ուղարկել Մասիսի միլպետ Ջանիկ Մարությանին և նրա եղբորը՝ Մհեր Մարությանին, որ մեր համատիրության ղեկավարն է, ասեցին՝ տիկի՛ն Սմբուլ, չբողոքես Վալերի Օսիպյանի վրա, թող ինքը մնա աշխատի, ինքը մեր նուբարաշենցին ա»։
Մանրամասները՝ տեսանյութում:
Ռոբերտ Անանյան
