14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ԵՄ-ն պատրաստ է ֆինանսապես աջակցել մեր ծրագրերի իրականացմանը, բայց ոչ 100 տոկոսով․ Փաշինյան․ ՏԵՍԱՆՅՈՒԹ
Քաղաքականություն
07.03.2019 | 11:45
Կառավարության մարտի 7-ի նիստի օրակարգային հարցերի քննարկումից առաջ վարչապետ Նիկոլ Փաշինյանն անդրադարձ կատարեց Բրյուսել կատարած այցին և խոսեց ԵՄ բարձրաստիճան պաշտոնյաների հետ ունեցած հանդիպման արդյունքներից։
Ըստ Փաշինյանի՝ կառավարական պատվիրակությունն ունեցած հանդիպումներից կարող է արձանագրել, որ թևակոխել ենք ՀՀ-ԵՄ Համապարփակ և ընդլայնված գործընկերության համաձայնագրի իրականացման փուլ: Բացի այդ, բրյուսելյան այցից հետո Կառավարությունն արձանագրում է, որ ԵՄ-ն մեզ պատրաստ է աջակցել բարեփոխումների և զարգացման ծրագրերի հարցում, ու այդ համագործակցության շրջանակում այլ օրակարգեր չկան։
Ըստ կառավարության ղեկավարի՝ առաջիկայում պետք է կարևոր որոշումներ կայացնեն ԵՄ-ի հետ մի քանի մեգանախագծեր իրականացնելու համար, իսկ այդ նախագծերը վերաբերում են ճանապարհներին և ենթակառուցվածքների զարգացմանը, ավտոճանապարհները երվրոպական չափանիշներին համապատասխանեցնելուն, ջրամբարաշինությանն ու ջրերի կառավարման համակարգի ստեղծմանը, դպրոցաշինության ու արդարադատության ոլորտին։
«Այն բանտային պայմանները, որոնցում պահվում են ՀՀ-ում դատապարտված անձինք չեն կարող հարիր լինել նոր Հայաստանի չափանիշներին։ Կան խնդիրներ նաև դատական համակարգում՝ ինձ համար զարմանալի էր, որ դատական նիստեր են անցկացվում դատարանների միջանցքում։ ԵՄ-ն պատրաստ լինելով ֆինանսապես աջակցել ծրագրերի իրականացմանը, միևնույն ժամանակ պատրաստ չէ այդ ծրագրերի ֆինանսավորումը իրականացնել 100 տոկոսով և այստեղ ակնկալում է, որ դրանվ մասնակցություն ունենա նաև Հայաստանը։ Այստեղ կարևոր է պետական եկամուտների ավելացումը և արտաքին միջոցների ներգրավումը»,- նշեց վարչապետը։
Մանրամասները՝ տեսանյութում։
Աղավնի Սուքիասյան
