03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Երևանը սպասարկող 20-ից ավելի երթուղու վարորդներ հրաժարվում են դուրս գալ երթուղի. shamshyan.com
07.03.2019 | 10:40
Այսօր՝ մարտի 7-ին, Նոր Նորք վարչական շրջանի Թևոսյան փողոցում գտնվող Երևանի «Ավտոբուս» Փակ Բաժնետիրական Ընկերության 250-ից ավելի վարորդներ՝ ի նշան բողոքի, հրաժարվում են դուրս գալ երթուղի. փոխանցում է shamshyan.com-ը:
Վարորդներն ասել են, որ ստիպված ենք դիմում այս ծայրահեղ միջոցին. «Մեզ ասում են՝ նոր տեխնոլոգիաներով ենք առաջնորդվելու և դրա անվան տակ վարորդի գլխավերևում տեղադրում են տեսախցիկ, իսկ արգելակման ձողի (ручной) մոտ էլ արկղ են տեղադրել՝ պատճառաբանելով, որ գումարը պետք է հավաքվի այդ արկղում, իսկ այդ արկղն էլ վտանգ է ներկայացնում իրենից, քանի որ վարորդի կողմից ղեկը կառավարելու ժամանակ լուրջ խոչընդոտի է հանդիպելու վարորդը, իսկ դրա արդյունքում, ինչքան էլ վարորդները փորձ ունենան, չի բացառվում՝ վթար տեղի ունենա: Ասում են՝ նոր տեխնոլոգիա… դիսպետչերական ոչ մի կետում չկա սանհանգույց, չկա վարորդի հանգստի սենյակ և մեջբերում են միջազգային օրենքները, իսկ միջազգային օրենքներով պետք է դիսպետչերական բոլոր կետերում ապահոված լինեն սանհանգույցները, հանգստի սենյակները։ Ասում են՝ տեսախցիկները տեղադրել ենք անվտանգության համար, մինչև էդ տեսախցիկները տեղադրելը, թող ղեկավարությունը շատ չէ, մեկ օր մեզ հետ շրջեն մայրաքաղաքում ու տեսնեն, թե կանգառներում ինչ բարձիթողի վիճակ է։ Առավոտվանից սպասում ենք, որպեսզի քաղաքապետարանի համապատասխան վարչության պատասխանատուները ժամանեն, ու իրենք տեղյակ են մեր ակցիայի մասին, սակայն մինչև հիմա չեն բարեհաճում մոտենան և մեզ հետ քննարկեն խնդիրը, իսկ խնդիրներ շատ են: Հիմա մեր պահանջն է, որպեսզի խնդիրը կարճ ժամանակում լուծեն, հակառակ դեպքում շարունակելու ենք մեր բողոքի ակցիան, մինչև խնդիրները չլուծվեն»:
Մանրամասները՝ սկզբնաղբյուր կայքում:
