11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Էներգետիկայի կրթության բարելավումը` առաջնային. ԿԳՆ
Հասարակություն
06.03.2019 | 21:47
ՀՀ կրթության և գիտության նախարարությունից տեղեկացնում են, որ նախարարի տեղակալ Արևիկ Անափիոսյանն այսօր ընդունել է աշխատանքային այցով Հայաստանում գտնվող միջուկային հարցերի ֆրանսիացի խորհրդական, Ռուսաստանի, Ուկրաինայի և Բելառուսի տարածաշրջանային պատասխանատու Ալեքսանդր Գորբաչևին: Հանդիպմանը մասնակցել են Հայաստանի Հանրապետությունում Ֆրանսիայի Հանրապության արտակարգ և լիազոր դեսպան Ժոնաթան Լաքոտը, միջուկային հարցերի խորհրդականի տեղակալ Թիբո Աչեն, ORANO ընկերության վաճառքի տնօրեն Պետեր Բրանտենշտայնը, համագործակցության և մշակութային գործողությունների խորհրդատու Ալեքս Բորտոլան:
Հանդիպման ընթացքում քննարկվել են կրթության և գիտության ոլորտում համագործակցության հնարավորություններն էներգետիկայի մասնագիտությունների ուղղությամբ: Այս համատեքստում նախարարի տեղակալ Արևիկ Անափիոսյանը մասնավորապես կարևորել է բարձրագույն ուսումնական հաստատություններում միջուկային էներգետիկայի բնագավառի որակյալ մասնագետների պատրաստումը` հաշվի առնելով, որ Հայաստանն ունի ատոմակայան:
Փոխնախարարի խոսքով` միջուկային ռեակտորների ֆիզիկայի և ատոմային էներգետիկայի մասնագետներ են պատրաստվում Երևանի պետական և Հայաստանի ազգային պոլիտեխնիկական համալսարաններում` համագործակցելով
Ա.Ի. Ալիխանյանի անվան Ազգային գիտական լաբորատորիայի հետ:
Սակայն, սարքավորումների և տեխնիկական անհրաժեշտ պայմանների ոչ բավարար բազայով պայմանավորված` կրթական ծրագրերը և հետազոտությունները հիմնականում տեսական բնույթի են:Նշելով, որ ատոմային էներգետիկայի զարգացումը ՀՀ կարևորագույն ռազմավարական ուղղություններից է, Ա.Անափիոսյանը շեշտել է, որ էներգետիկայի ուսումնական լաբորատորիների ու սարքավորումների ձեռքբերումը կրթության համակարգի գերակա խնդիրներից է: Կողմերը փոխադարձ համագործակցության պատրաստակամություն են հայտնել: Պայմանավորվածություն է ձեռքբերվել համագործակցության հուշագիր մշակելու, ուսանողների և հետազոտողների փոխանակման ծրագրեր իրականացնելու վերաբերյալ:
