07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ինչո՞ւ են նվազել կապիտալ ծախսերը․ Մանե Թանդիլյանը՝ Կառավարությանը. ՏԵՍԱՆՅՈՒԹ
Տնտեսություն
06.03.2019 | 18:09
Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանն այսօր խորհրդարանում Կառավարության անդամներից հետաքրքրվեց՝ ինչու են պետական բյուջեի կապիտալ ծախսերը նվազել՝ հիշեցնելով, որ 2018 թվականի պետական բյուջեի ծախսերը 2017-ի համեմատ մոտ 85 մլրդ դրամով նվազել են։
Պատգամավորի հարցին ի պատասխան ՀՀ փոխվարչապետ Տիգրան Ավինյանը հաստատեց, որ պետական բյուջեի կապիտալ ծախսերը նվազել են՝ պարզաբանելով, որ դա պայմանավորված է տարբեր ծրագրերի հետ կապված խնդիրներով։
Տիգրան Ավինյանը նաև տեղեկացրեց, որ կապիտալ բոլոր ծախսային ծրագրերի մասով իրականացվում է գույքագրում։ «Գույքագրման արդյունքով մենք փորձում ենք հասկանալ՝ որտեղ ինչ խնդիրներ ունենք, փորձում ենք հասկանալ՝ որ ծրագրերը պետք է շարունակենք, որոնք՝ դադարեցնենք ու կատարենք վերաբաշխումներ։ Մենք ձգտում ենք, որ կապիտալ ծախսային ծրագրերը ավելանան, որտեղ հնարավոր է թափ տանք, բայց կարևորում ենք նաև կատարվող ծախսերի արդյունավետությունը», – ասաց նա։
Մանրամասները՝ տեսանյութում։
Աղավնի Սուքիասյան
