02.07.2026 | 13:41
«Կոնկրետ օրինակով եմ ցույց տալիս, թե ձեր նախագիծն ինչ բոբիկ ա»․ Գեղամ Մանուկյանը՝ ընտրական ցենզի մասին․ ՏԵՍԱՆՅՈՒԹ
Արդյոք զինհաշմանդամության կարգ չստացած զինվորին այժմ կարո՞ղ է տրվել փոխհատուցում․ պատգամավոր. ՏԵՍԱՆՅՈՒԹ
Հասարակություն
06.03.2019 | 17:56
Ազգային ժողովի «Իմ քայլը» խմբակցության պատգամավոր Նարեկ Մկրտչյանն այսօր խորհրդարանում բարձրաձայնեց զինվորական պարտականությունները կատարելիս հաշմանդամություն ստացած զինվորների խնդիրները, որոնք դժգոհում են սոցիալական այն հանձնաժողովներից, որոնք հաշմանդամության կարգ տրամադրելիս առաջնորդվել են սուբյեկտիվ մոտեցումներով։
Պատգամավորը ներկայացրեց փաստաթղթեր, որոնց համաձայն՝ 2013 թվականին Արմավիրի մարզի բնակիչ Գագիկ Ապարյանին տեղափոխող մեքենան շուռ է եկել, և զինվորը ստացել է ծանր գլխուղեղային վնասվածք, նույն թվականին դիմել են հաշմանդամության կարգ ստանալու համար և այն ստացել է միայն 4 տարի անց։
Պատգամավորը հարց հնչեցրեց․ արդյոք զինհաշմանդամության կարգ չստացած զինվորին այժմ կարո՞ղ է տրվել փոխհատուցում, աշխատանքի և սոցիալական հարցերի նախարար Զարուհի Բաթոյանը նշեց, որ գործող ընթացակարգերով դեռևս 2018 թվականի վերջին ստեղծվել է անկախ հանձնաժողով նախարարության կազմում:
«Դա երրորդ օղակն է` բժշկասոցիալական փորձաքննական հանձնաժողովի որոշումները քննելու համար է ստեղծվել: Այն մեզ թույլ է տալիս վերահսկել և այդ որոշումները ևս մեկ անգամ քննել: Եվ այո, քաղաքացիները կարող են դիմել նաև այս օղակին: Վստահեցնում եմ` անկախ ամեն ինչից այդ կապը կա, կարող են նաև ընդլայնված նիստի միջոցով իրականացնել փորձաքննությունը կամ փաստաթղթային քննությունը»,- նշեց նախարարը։
Մանրամասները՝ տեսանյութում։
Աղավնի Սուքիասյան
