21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Պետությունը փող չի տալիս, դրանով հանդերձ՝ չի ցանկանում բացել մշակույթի սնուցման աղբյուրները․ Ռուբեն Բաբայան․ ՏԵՍԱՆՅՈՒԹ
Հասարակություն
05.03.2019 | 20:18
Հովհաննես Թումանյանի անվան պետական տիկնիկային թատրոնի տնօրեն և գեղարվեստական ղեկավար Ռուբեն Բաբայանի խոսքով՝ ՊՈԱԿ-ների փակման վերաբերյալ քննարկումները շատ հավանական է որ չշարունակվեն, բայց անգամ այդ պարագայում դա չի նշանակի, որ առկա խնդիրները կլուծվեն։
Այս մասին այսօր հրավիրված մամուլի ասուլիսի ժամանակ ասաց Ռուբեն Բաբայանը՝ հավելելով․
«Ոլորտում բարեփոխումներ տեղի չեն ունենում, իսկ պատճառն այն է, որ բյուջե չկա, պետությունը փող չի տալիս, դրանով հանդերձ՝ պետությունը չի ցանկանում բացել մշակույթի սնուցման աղբյուրները՝ մեկենասությունը և հովանավորչությունը։ Այս երևույթն ընդունված է ամբողջ աշխարհում, չկա զարգացած երկիր, որտեղ մշակույթը հույսը դնի միայն պետական բյուջեի վրա։ Եթե բացվեն այդ աղբյուրները, հնարավոր է՝ առաջինը ես լինեմ, որ հրաժարվեմ պետական մուծումներից։ Մեզանում հաճախակի է տեղի ունենում հասկացողությունների շփոթմունք, ասում են, թե՝ տեսեք, այսքան պետական թատրոն ունենք. իրականում մենք որևէ պետական թատրոն չունենք։ Պետական թատրոն նշանակում է՝ 100 տոկոսանոց պետական ֆինանսավորում, իսկ մեր թատրոնները պետական աջակցություն ստացողներ են»,- ասաց նա։
Նրա դիտարկմամբ՝ եթե մենք խոսում ենք թատերական գործունեության զարգացման մասին, չպետք է սահմանափակվենք եղած թատրոններով միայն․
«Չէ՞ որ գործընթացն այն ժամանակ է առաջանում, երբ ստեղծվում է նոր թատերական բեմ, հնարավորություններ են ստանում արտահայտվել նոր ձևերով, սակայն մեր այսօրվա համակարգն այդ ճանապարհը փակել է»,-ասաց նա։
Մանրամասները՝ տեսանյութում։
Աղավնի Սուքիասյան
