03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Նախարարներն ասում են՝ յուրաքանչյուր նախարարությունում կրճատվելու է 80-100 աշխատակից. Լենա Նազարյան․ ՏԵՍԱՆՅՈՒԹ
Քաղաքականություն
05.03.2019 | 18:30
Յուրաքանչյուր նախարարությունում կրճատվելու է 80-100 աշխատակից:
Այս մասին Factor.am-ի հետ զրույցում ասաց ԱԺ փոխնախագահ Լենա Նազարյանը:
Անդրադառնալով այն տեղեկությանը, որ Մհեր Գրիգորյանին և Ատոմ Ջանջուղազյանին վարչապետի կողմից հանձնարարվել է կրճատել 10 հազար աշխատակցի, նա ասաց, որ նախարարներն այլ թվի մասին են խոսում:
«Երբևէ չեմ լսել նման կրճատումների մասին: Մեր խմբակցություն հրավիրված նախարարներից հետաքրքրվել ենք, թե քանի հոգի են կրճատվելու: Նրանք երբևէ չեն խոսել 100-ից ավելի աշխատակցի մասին: Ես կարծում եմ, որ այդ թիվը չի համապատասխանում իրականությանը»,- ասաց Նազարյանը:
Ճշտող հարցին՝ յուրաքանչյուր նախարարությունո՞ւմ է 80-100 աշխատակից կրճատվելու, Լենա Նազարյանը պատասխանեց. «Յուրաքանչյուր նախարար խոսում է իր ոլորտի մասին: 80-100 աշխատակից են նշում կամ մի փոքր ավելի, բայց ո՛չ 10 հազար»:
Մանրամասները՝ տեսանյութում:
Նարեկ Կիրակոսյան
