02.11.2024 | 10:07
ՀՀ տարածքում ավտոճանապարհներն անցանելի են
Կասկածի տակ չդնեք մեր քաղաքական անկախությունն ու կամքը․ Մխիթար Հայրապետյանը՝ ընդդիմադիրներին
Քաղաքականություն
05.03.2019 | 12:08
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանն այսօր խորհրդարանում քաղաքական մեծամասնությանը խորհուրդ տվեց նախորդների սխալները չկրկնել և Կառավարության կողմից այս կամ այն նախագծին տրված բացասական եզրակացությունը չվավերացնել խորհրդարանում՝ առանց նման եզրակացություն ստացած նախագծերը նիստերի օրակարգում ներառելու ու դրանք քննարկելու հնարավորության։
Արձագանքնելով Նաիրա Զոհրաբյանի այս դիտարկմանը՝ ԱԺ «Իմ քայլը» խմբակցության պատգամավոր Մխիթար Հայրապետյանը հորդորեց իրենց ընդդիմադիր գործընկերներին զերծ մնալ նման գնահատականներից։
«Արդեն որերորդ անգամ փորձ է արվում մեր քաղաքական մեծամասնության գործընկերներին ներկայացնել որպես սեփական կարծիք չունեցողներ։ Խնդրում եմ ընդհանրապես կասկածի տակ չդնել մեր քաղաքական անկախությունը, կամքը, սեփական կարծիքն ու պատկերացումները՝ անընդհատ դրանք կապելով կառավարության տեսակետների հետ»,- ասաց «Իմ քայլի» պատգամավորը։
Անդրադառնալով ԼՀԿ-ի ներկայացրած օրենսդրական նախաձեռնությանը և դրան տրված բացասական եզրակացությանը՝ Մխիթար Հայրապետյանը նկատեց․ «Բացառապես փաստարկների դաշտի վրա է հիմնված եղել նման եզրակացությունը։ Խնդրում եմ հանձնաժողովների կշիռը չթերագնահատել»։
Հայրապետյանը նաև հիշեցրեց՝ նախորդ իշխանությունների ժամանակ իշխող մեծամասնությունն ընդամենը մեկ-երկու ստորակետի պատճառով էր ընդդիմության նախագծերին տալիս բացասական եզրակացություն, իսկ իրենց պարագայում նման մոտեցումը բացառված է։
Աղավնի Սուքիասյան
