30.04.2026 | 17:50
Նահանջ՝ 16 տեղով. ինչու է ՀՀ-ն զիջել դիրքերը մամուլի ազատության ինդեքսում․ ՏԵՍԱՆՅՈՒԹ
«Ծանոթացեք, թե ինչ կանոններով է գործում ԵԱՀԿ-ն». Տիգրան Բալայանը՝ ԱԳՆ-ին մեղադրող փորձագետներին
Քաղաքականություն
05.05.2017 | 17:19
ՀՀ արտաքին գործերի նախարարության մամուլի խոսնակ Տիգրան Բալայանը ԵԱՀԿ Երևանի գրասենյակի փակման առնչությամբ ԱԳՆ-ին անգործության մեջ մեղադրող փորձագետներին խորհուրդ է տալիս ծանոթանալ, թե ինչ կանոններով է գործում ԵԱՀԿ-ն, ապա միայն կարծիք հայտնել:
«Իրենց փորձագետ համարողները, նախքան նման եզրահանգումներ անելը, առաջին հերթին պետք է փորձ ձեռք բերեն, ծանոթանան, թե ինչ է և ինչ կանոններով է գործում ԵԱՀԿ-ն, ինչ տեսակետ են հայտնել ԵԱՀԿ մյուս մասնակից երկրները Բաքվի վարքա գծի վերաբերյալ, նոր կարծիքներ հայտնեն»,- «Արմենպրես»-ի հետ զրույցում նշել է Բալայանը:
Մայիսի 4-ին ԵԱՀԿ-ում նախագահող Ավստրիայի ներկայացուցիչը ԵԱՀԿ Մշտական խորհրդում հայտարարել է, որ, չնայած իրենց ներդրած ջանքերին, անհնար է եղել համաձայնության հանգել ԵԱՀԿ երևանյան գրասենյակի մանդատի երկարաձգման շուրջ: ՀՀ ԱԳՆ-ն, արձագանքելով փաստին, ընդգծել է, որ իր խիստ ապակառուցողական մոտեցումներով Ադրբեջանը ԵԱՀԿ-ում հայտնվել է բացարձակ մեկուսացման մեջ:
ԵԱՀԿ նախագահությունը, մասնակից երկրները, քարտուղարությունը` բոլորը սատարում են ԵԱՀԿ երևանյան գրասենյակի գործունեությունը, և միայն Ադրբեջանն է, որ, չարաշահելով կազմակերպության կոն ենսուսի սկզբունքը, որի համաձայն նույնիսկ մեկ երկիր կարող է խափանել որոշումների ընդունումը, դեմ է հանդես գալիս ԵԱՀԿ երևանյան գրասենյակի գործունեության շարունակմանը, դրանով իսկ հակադրվելով ամբողջ կազմակերպությանը:
