16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
Իրանի հետ համաձայանգրի վավերացումից հետո 300 տեսակի ապրանք կարտահանվի չնչին մաքսատուրքով. Տիգրան Խաչատրյան․ ՏԵՍԱՆՅՈՒԹ
Քաղաքականություն
04.03.2019 | 14:30
Իրանի հետ վավերացվելու է պարզեցված համաձայնագիր, որը հնարավորություն է տալու ԵՏՄ տարածքում գործող, այդ թվում՝ Հայաստանում գործող կազմակերպությունների՝ դեպի իրանական շուկա պարզեցված եղանակով ապրանքներ ներկրեն և արտահանեն: Այս մասին ԱԺ-ում լրագրողների հետ զրույցում ասաց տնտեսական զարգացման և ներդրումների նախարար Տիգրան Խաչատրյանը:
«Սա լինելու է մեր առաջին պարզեցված համաձայնագիրն Իրանի հետ՝ ԵՏՄ կազմում: Խոսքը 300-ից ավելի ապրանքատեսակների մասին է, որոնք համաձայնագրի վավերացումից հետո կունենանք, կարտահանվեն չնչին մաքսատուրքով»,- հավելեց նա:
Նախարարը տեղեկացրեց, որ համաձայնագիրը ստորագրված է, ԵՏՄ հինգ երկրներից երեքն արդեն վավերացրել են, շուտով նաև Հայաստանն է վավերացնելու:
Համաձայնագիրը վավերացրած երկրներն են Ռուսաստանը, Բելառուսը և Ղազախստանը: Տիգրան Խաչատրյանի փոխանցմամբ՝ շուտով այն կվավերացնի նաև Իրանը: «Մաքսատուրքերը նվազեցվել են, բայց չեն զրոյացվել, դրա համար համարվում է անցումային համաձայնագիր:
Ենթադրվում է, որ հաջորդ համաձայնագիրը լինելու է ազատ առևտրի մասին»,- նշեց պաշտոնյան: Լրագրողի հարցին ի պատասխան՝ նախարարնն ասաց, որ համաձայնագիրը չի ազդելու վառելանյութի ներկրման մաքսատուրքի վրա:
Մանրամասները՝ տեսանյութում:
Նարեկ Կիրակոսյան
