03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Թուրքիայի հետ բանակցությունները ժամանակավորապես դադարեցվել են». Եվրահանձնաժողովի փոխնախագահ
Քաղաքականություն
01.03.2019 | 22:02
Եվրահանձնաժողովի փոխնախագահ Յուրկի Կատաինենը Եվրամիություն–Թուրքիա տնտեսական երկխոսության համաժողովի շրջանակներում այցելել է Անկարա։ Փետրվարի 28-ին Կատաինենը հանդիպել է Թուրքիայի գանձապետարանի և ֆինանսների նախարար Բերաթ Ալբայրաքի հետ, իսկ ավելի ուշ կողմերը հանդես են եկել համատեղ մամուլի ասուլիսով. գրում է ermenihaber-ը:
Ալբայրաքը տեղեկացրել է, որ Եվրահանձնաժողովի փոխնախագահի հետ քննարկել են վիզաների ազատականացմանը, մաքսային միությանը, փոխադարձ ներդրումներին, առկա տնտեսական վիճակին, կառուցվածքային բարեփոխումներին և նմանատիպ խնդիրներին առնչվող հարցեր։
Իր հերթին Կատաինենը նշել է, որ ԵՄ-ն միշտ պատրաստ է խորացնել համագործակցությունը և շարունակել երկխոսությունը թուրքական կողմի հետ։ «Անշուշտ, որոշ խնդիրներ էլ ունենք՝ տնտեսական և քաղաքական խնդիրներ։ Դրանք էլ անտեսել չենք կարող», – նշել է Եվրահանձնաժողովի փոխնախագահը։ Նա հավելել է, որ Թուրքիայի հետ բանակցությունները չեն ավարտվել, դրանք պարզապես առժամանակ դադարեցվել են։
Կատաինենը ուշադրություն է հրավիրել նաև այն հանգամանքի վրա, որ ԵՄ-ն ու Թուրքիան ունեն մի շարք ընդհանուր խնդիրներ, ինչպիսիք են անվտանգության հիմնախնդիրը, ահաբեկչության դեմ պայքարը, փախստականների և տրանսպորտի հարցը։
