02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Հնդկաստանը Պակիստանի հետ բանակցելիս միջնորդի կարիք չի ունենա
01.03.2019 | 16:11
Պակիստանի հետ երկխոսության պարագայում Հնդկաստանը երրորդ կողմի ներգրավվածության անհրաժեշտություն չի տեսնում․ հայտնում է ria.ru-ն։
Քաշմիրի հարցի շուրջ ստեղծված լարվածության թուլացումը պահանջում է, որ Պակիստանն անհապաղ ու վստահելի գործողություններ ձեռնարկի ընդդեմ իր տարածքում գործող ահաբեկչական խմբավորումների:
Ria.ru-ի փոխանցմամբ՝ Նոր Դելիում չեն կարծում, որ հնդկական կողմի գործողությունները սադրել են վերջին շրջանում Քաշմիրի կոնֆլիկտի սրումը։
Վերջին շաբաթվա ընթացքում Քաշմիրում իրավիճակը զգալի կերպով սրվել է։ Պատճառը փետրվարի 14-ին մահապարտի իրականացրած գործողություններն են։ Վերջինս իրեն պայթեցրել էր՝ վնասելով նաև ռազմական ոստիկանության շարասյունը։ Ահաբեկչական գործողության հետևանքով 45 մարդ էր զոհվել։
Տեղի ունեցածի պատասխանատվությունն իր վրա էր վերցրել «Ջաիշ-է-Մուհամմեդ» խմբավորումը, որի ղեկավար Մասուդ Ազխարն, ըստ հաղորդված տեղեկության, գտնվում է Պակիստանում։
Կատարվածից հետո Հնդկաստանը Պակիստանին մեղադրում է ահաբեկչական խմբավորումներին աջակցելու համար։
Պակիստանն առաջարկել է միասնական հետաքննություն անցկացնել։ Կատարվածը սրել է երկու երկրների միջև արդեն իսկ լարված իրավիճակը։
Նելլի Մելքոնյան
