20.04.2026 | 14:05
Ռուսական ԱԹՍ-ների հարձակումից վիրավորվել է Ուկրաինայի պաշտպանության նախարարի խորհրդականը
Մարզպետարաններում աշխատատեղեր են կրճատվելու. մանրամասնում է Սուրեն Պապիկյանը. ՏԵՍԱՆՅՈՒԹ
Քաղաքականություն
01.03.2019 | 14:41
Առաջիկայում Տարածքային կառավարման մասին օրենքում փոփոխություններ են լինելու: Այս մասին ԱԺ «Իմ քայլը» խմբակցության պատգամավորների հետ հանդիպումից հետո լրագրողների հետ զրույցում ասաց տարածքային կառավարման և զարգացման նախարար Սուրեն Պապիկյանը:
«Դրանից բխելու է նաև մարզպետարանների աշխատակիցների կրճատումը: Կրճատվելու է աշխատակիցների 30 տոկոսը»,- ասաց նա:
Factor.am-ը նախարարից հետաքրքրվեց, թե 30 տոկոսը կրճատումների քանի՞ աշխատակից է ենթադրում, ինչին նախարարը պատասխանեց. «Օրինակ՝ Արագածոտնի մարզում կրճատումները լինելու են 28 տոկոս, իսկ աշխատակիցների թիվը 121-ից դառնալու է 87»:
Սուրեն Պապիկյանն ասաց, որ կրճատվելու են մարզպետների երեք տեղակալները, լինելու է մեկ փոխմարզպետ՝ մեկ օգնականով: Ամենաուռճացված աշխատակազմն էլ Գեղարքունիքի մարզպետարանն ունի՝ 182 աշխատակից:
Դիտարկմանը, որ նախկին իշխանությունների խնամիներին ու ծանոթ-բարեկամներին հանում են, որ իրենց ծանոթ-բարեկամներին աշխատանքի ընդունեն, Սուրեն Պապիկյանն արձագանքեց. «Ցույց տվեք մի պաշտոնյայի, որը պետական համակարգում հայտնվել է միայն այն բանի համար, որ իմ խնամին է: Չկա նման բան»:
Մանրամասները տեսանյութում:
Նարեկ Կիրակոսյան
