08.06.2026 | 15:27
Արդար ընտրություն է, առանց որևէ երկմտության․ IRI դիտորդական առաքելության ղեկավար․ ՏԵՍԱՆՅՈՒԹ
ԱՄՆ-ը Սիրիայի տարածքից շուրջ 50 տոննա ոսկի է դուրս բերել
Քաղաքականություն
01.03.2019 | 11:57
Ամերիկյան զորքը Սիրիայի տարածքից շուրջ 50 տոննա ոսկի է դուրս բերել․ փոխանցում է սիրիական SANA տեղեկատվական կենտրոնը։
Նշվում է, որ զինվորականները ոսկին վերցրել են գրոհայիններից՝ նրանց անվտանգությունն ապահովելու դիմաց։
Ահաբեկիչները գողոնը թաքցրել են Դեր Զոր նահանգում գտնվող Բագհուզ բնակավայրի արվարձաններում։ Բագհուզն ամերիկյան զորքերով շրջապատված վերջին ամրոցներից մեկն էր։
SANA-ի տվյալներով՝ գրոհայինները զինվորականներին մոտ 40 տոննա թանկարժեք մետաղ են փոխանցել։
Իսկ ավելի վաղ՝ ամերիկացի զինվորականները ահաբեկիչների այլ թաքստոցներում ևս 10 տոննա թանկարժեք մետաղ են հայտնաբերել։
Ոսկին Սիրիայի տարածքից դուրս է բերվել գիշերը՝ ուղղաթիռով։
Նելլի Մելքոնյան
