Ինչո՞ւ է ռեկտորի լիազորությունների դադարեցման հարցը բերվել օրակարգ. Գևորգ Մուրադյանը պարզաբանում է․ ՏԵՍԱՆՅՈՒԹ

Մեկ շաբաթ ժամանակը չափազանց կարճ էր՝ մեզ ներկայացված փաստաթղթերը մանրամասն ուսումնասիրելու համար, երբ նույնիսկ նախնական ծանոթության մակարդակում առաջանում են բազմաթիվ հարցեր թե՛ ֆինանսական, թե՛ ռազմավարական կառավարման արդյունավետության տեսակետից:

Փետրվարի 28-ին ԵՊՀ Հոգաբարձուների խորհրդի արտահերթ նիստում այս մասին ասաց խորհրդի նախագահ Գևորգ Մուրադյանը՝ անդրադառնալով հարցին, թե ինչո՞ւ է մեկ ամիս առաջ Խորհուրդը բավարար գնահատել ԵՊՀ ռեկտորի աշխատանքը, իսկ այսօր նրա հրաժարականի հարց է բարձրացվում:

«Ինձ համար տարօրինակ է, որ լրատվամիջոցները կամ հասարակական ակտիվություն ունեցող մարդկանցից շատերը ելնում են ինչ-որ տարբեր հայտարարություններից և ուշադրություն չեն դարձնում, թե ինչ է տեղի ունեցել Երևանի պետական համալսարանի Հոգաբարձուների խորհրդի անցած նիստի ժամանակ՝ բովանդակային առումով, ինչ քննարկումներ են տեղի ունեցել և ինչ հայտարարություններ են եղել»,- ասաց նա: Բուհի Հոգաբարձուների խորհրդի նախագահը ԵՊՀ-ի գիտակրթական գործունեության արդյունավետության կտրուկ բարձրացման անհրաժեշտություն է տեսնում: Նրա պնդմամբ՝ ասել է, որ Հոգաբարձուների խորհուրդը պետք է ավելի շատ ժամանակ ունենա ուսումնասիրությունների համար. «Եվ խոստացել էի, որ մեկ ամիս հետո նորից կհանդիպենք՝ քննարկումները շարունակելու և հասկանալու համար, արդյո՞ք հաջորդ փուլում մեզ անհրաժեշտություն լինելու է հանձնախմբեր ձևավորել և այլն»:

Իսկ հիմնական փաստաթղթային տվյալներին ծանոթանալուց հետո Գևորգ Մուրադյանը մի քանի խնդիր է առանձնացրել, որոնք, իր համոզմամբ, կարևոր են ԵՊՀ-ի հետագա զարգացման համար. կա ուսանողների թվի բացասական դինամիկա, ֆինանսական կառավարման արդյունավետության ցածր աստիճան, նոր մասնագիտությունների բացման և խրախուսման միջոցով տնտեսության մեջ ԵՊՀ ներգրավվածության ցածր աստիճան և այլն:

Մանրամասները՝ տեսանյութում