07.02.2026 | 20:00
«Վտանգավոր նախադեպ Մոսկովյան փողոցում»․ շինթույլտվություն կա, բայց հարցերը մնում են. ՏԵՍԱՆՅՈՒԹ
Կիմ Չեն Ընը վերահաստատել է ապամիջուկայնացման մասին հայտարարությունը
Քաղաքականություն
28.02.2019 | 13:04
Վիետնամի մայրաքաղաք Հանոյում փետրվարի 27-28-ը տեղի է ունեցել Միացյալ նահանգների նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ընի հանդիպումը, հայտնում է ՌԻԱ Նովոստին։
Երկու ղեկավարները երեկ 2.5 ժամանոց հանդիպում են ունեցել, որի ընթացքում քննարկել են նախորդ տարի Սինգապուրում ձեռք բերված պայմանավորվածությունները։ ԱՄՆ նախագահ Թրամփը հայտարարել է, որ Վաշինգտոնը չի հրաժարվի Հյուսիսային Կորեայի ապամիջուկայնացումից։
Կիմ Չեն Ընն իր հերթին հաստատել է Հյուսիսային Կորեայի՝ ապամիջուկայնացվելու պատրաստակամությունը և ողջունել Փհենյանում ամերիկյան համակարգող գրասենյակի բացումը: ԱՄՆ մամուլի քարտուղար Սարա Սանդերսի հայտարարությամբ՝ նախագահները Հանոյում ընդհանուր համաձայնության չեն հասել, սակայն կառուցողական քննարկում են ունեցել։ Նրա խոսքով՝ ԱՄՆ և Հյուսիսային Կորեայի պատվիրակություններն ապագայում հանդիպումներ են ակնկալում։ Այսօր՝ փետրվարի 28-ին, կայացել է նախագահների երկրորդ հանդիպումը։ Դոնալդ Թրափն այն անվանել է արդյունավետ և Կիմ Չեն Ընի հետ բարեհաջող ու երկարատև համագործակցության հույս հայտնել։
«Մեզ մոտ արդյունավետ քննարկում է։ Ամեն ինչ տանում է նրան, որ Հյուսիսային Կորեայի ապամիջուկայնացման մասին գործարքը կհաջողվի և կնպաստի երկրում տնտեսական աճին»,- ընդգծել է Դոնալդ Թրամփը։
ԱՄՆ նախագահը Կիմ Չեն Ընին «հիանալի առաջնորդ» է անվանել և խոստացել աջակցել Հյուսիսային Կորեայի տնտեսական զարգացմանը։ Ռուսաստանցի փորձագետ Անդրեյ Գուբինը գնահատել է ԱՄՆ նախագահի հայտարարությունը՝ նշելով, որ Հյուսիսային Կորեայի դեմ սահմանված պատժամիջոցների չեղարկումն անհրաժեշտ է այն ծրագրերի զարգացման համար, որոնք պետք է իրականացվեին այլ երկրների հետ համագործակցության արդյունքում: Հիշեցնենք, որ ԱՄՆ-ի և Հյուսիսային Կորեայի առաջնորդների առաջին պատմական հանդիպումը տեղի է ունեցել անցյալ տարվա հունիսի 12-ին Սինգապուրում:
Նելլի Մելքոնյան
