07.02.2026 | 22:24
Հնդկաստանի ԶՈւ շտաբի պետին ներկայացվել են Հայաստանի և Հնդկաստանի արտադրության սպառազինության նմուշները
«Կարծում եմ՝ Դավիթ Սանասարյանն օգնել է, որ դեպքը բացահայտվի». Վարազդատ Կարապետյան. ՏԵՍԱՆՅՈՒԹ
Քաղաքականություն
26.02.2019 | 14:02
Կարծում եմ՝ Դավիթ Սանասարյանը նպաստել է, որպեսզի իր համակարգում բացահայտվի այդ դեպքը: Ազգային ժողովում լրագրողների հետ զրույցում այս մասին ասաց «Իմ քայլը» խմբակցության պատգամավոր Վարազդատ Կարապետյանը՝ պատասխանելով Պետական վերահսկողական ծառայության աշխատակիցների ձերբակալության մասին տեղեկությունների և ՊՎԾ ղեկավարի հրաժարականի անհրաժեշտության մասին հարցին:
Դիտարկմանը, թե ըստ մամուլի հրապարակումների՝ չի բացառվում, որ կձերբակալվի նաև ՊՎԾ պետ Դավիթ Սանասարյանը, պատգամավորն արձագանքեց. «Ես գործի մանրամասներին տեղյակ չեմ: Չեմ կարծում, որ նա մասնակցում է այդ գործընթացներին: Ավելին, կարծում եմ, որ նա օգնում է հետաքննության գործընթացին»:
Վարազդատ Կարապետյանի խոսքով՝ մեր պետական համակարգն այսբերգի նմանվող կառույց է: «Մենք ունենք վերևի հատվածը, որում փոփոխություններն արդեն արված են, և ունենք ներքևի մեծ՝ չերևացող հատվածը, որտեղ փոփոխությունները դեռևս չեն հասել տեղ և աստիճանաբար են տեղի ունենում: Ցավոք՝ կոռուպցիայի դեպքեր կան ներքևի հատվածում, և ուրախ եմ, որ այդ դեպքերը բացահայտվում են: Եվ ինչքան արագ ու հաճախակի բացահայտվեն, այդքան մենք ավելի արագ կփորձենք ներքևի հատվածը մաքրել»,- ասաց պատգամավորը:
Մանրամասները՝ տեսանյութում:
