02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Քաղաքացին պետք է հավատա ինքն իրեն, և ոչ թե սուպերմեն քաղաքական գործիչների գալուն. Նիկոլ Փաշինյան. ՏԵՍԱՆՅՈՒԹ
Քաղաքականություն
24.02.2019 | 18:38
ՀՀ վարչապետ Նիկոլ Փաշինյանը մասնակցել է «Քաղաքացիական պայմանագիր» կուսակցության 4-րդ համաժողովին ու հանդես է եկել ելույթով:
Վարչապետի խոսքով` «Քաղաքացիական պայմանագրի» գաղափարախոսությունն ամբողջությամբ ընկած է մեկ նախադասության մեջ. «Սույն պայմանագրի մասնակիցներն ընդունում են, որ անհատի վերափոխումը հանրային վերափոխման կարևորագույն միջոց է, պայմանագրին իրենց միանալու պահը համարում են մի զրոյական հաշվարկային կետ, որից յուրաքանչյուրը սկսում է հանրային վերափոխման գործընթաց՝ այդ նպատակի միտված կարևորագույն անելիքներից մեկը համարելով սեփական անձի վերափոխումը: Սույն պայմանագրի մասնակիցը սեփական գիտելիքների անձի զարգացումը, գիտելիքների ձեռքբերումը դիտարկում է իբրև հանրային բարեփոխումների զարգացման կարևոր բաղադրիչ»:
Վարչապետը նշեց, որ ամենակարևոր փոփոխությունը, որ տեղի է ունեցել հենց այս գաղափարախոսության մեջ, այն է, որ իրենք հռչակել են մի սկզբունք, որ ոչ թե լիդերն է փոփոխությունների առանցքային դերակատարը, այլ ամեն անհատ, ամեն քաղաքացի, ամեն մարդ ինքն է փոփոխությունների ամենակարևոր դերակատարը:
«Իսկ այն քաղաքացին, որն ինքն իրեն չի հավատում, նրա հետ պիտի գործ ունենանք, նրա աչքերի մեջ պիտի նայենք, պիտի ստիպենք, որ ինքն իրեն հավատա»,- ասաց նա:
Վարչապետը ևս մեկ անգամ նշեց, որ Հայաստանի Հանրապետությունում որոշողը ՀՀ քաղաքացին է, Հայաստանում քաղաքական հեղափոխության ճակատագիրը որոշել է ՀՀ քաղաքացին, ՀՀ տնտեսական հեղափոխության ճակատագիրը նորից պետք է որոշի քաղաքացին:
Մանրամասները՝ տեսանյութում:
