20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ասֆալտներին պառկեցնելով և որևէ այլ օրինական միջոցներով նախահեղափոխական հարաբերությունները վերակենդանացնելու ցանկացած փորձ կկասեցվի․ Փաշինյան. ՏԵՍԱՆՅՈՒԹ
Քաղաքականություն
21.02.2019 | 11:59
Կառավարության փետրվարի 21-ի նիստում գործադիրը որոշում ընդունեց՝ փոփոխություն կատարել 2012 թվականի դեկտեմբերին ընդունված որոշման մեջ՝ դատավորներին ներառելով սոցիալական փաթեթի շահառուների շրջանակում:
Համապատասխան որոշման նախագիծը Կառավարության համաձայնությանը ներկայացրեց արդարադատության նախարար Արտակ Զեյնալյանը։ Նախարարի խոսքով՝ առաջարկվող փոփոխությունը նպատակ ունի ապահովել դատական իշխանության անկախությունը, տալ դատավորներին սոցիալական երաշխիքներ, ինչը ոչ թե սոցիալական արտոնություն է, այլ քաղաքացիների իրավունքի ապահովմանն ուղղված գործողություն։
Վարչապետ Նիկոլ Փաշինյանը նշեց, որ ընդունելով հանդերձ, որ կան որոշակի վերապահումներ, ինքը կարծում է, որ Կառավարությունն այս ճանապարհով պետք է գնա: «Մենք հնարավոր պայմաններ պետք է ստեղծենք, որպեսզի դատավորները օբյեկտիվորեն սրա-նրա ձեռքին նայելու անհրաժեշտություն չունենան: Մենք խստորեն պետք է պայքարենք կոռուպցիայի և ապօրինի որոշումների դեմ, բայց այս խնդիրների ծագման սոցիալական բաղադիչը պետք է նեղացնենք։ Այս կարգի որոշումները պոպուլյար չեն և չեն էլ կարող լինել, բայց այս տարի կայացրած որոշումներով պետպատվերից օգտվող քաղաքացիների շրջանակը մեծացվել է 250 հազարով», – ասաց նա։
Ըստ Փաշինյանի՝ սա քայլ է պետական կառվարման համակարգն առավել գրավիչ դարձնելու համար, ինչը պետք է բերի որակյալ աշխատուժի, իսկ այդ որակից էլ կախված է քաղաքացիների կյանքի փոփոխությունների որակն ու արդյունավետությունը:
«Կարող ենք գերանդին առնել և ամբողջ պետական համակարգը աջ ու ձախ հնձել, բայց դրա պատճառով կառաջանան հետևանքներ, որ տասնյակ տարիներում հնարավոր չի լինի լուծել: Պետական կառավարման համակարգը և պետութունը զգայուն են մարդու օրգանիզմի համար և ճիշտ չախտավորված բուժումներ նշանակելը՝ մահացու հետևանքների կարող է բերել»,- ասաց նա՝ ընդգծելով, որ սա սոցիալիստական հեղափոխությունը չէ, երբ հաղթողները պարտվողներին պատերի տակ գնդակահարում էին, կամ բաժանում սևերի և կարմիրների, սևերի և սպիտակների, սա սիրո և համերաշխության հեղափոխություն է, և յուրաքանչյուրը փոխվելու շանս պետք է ունենա՝ առանց նախահեղափոխական հարաբերությունները վերակենդանացնելու փորձերի:
«Ես՝ որպես ՀՀ վարչապետ, սա համարում եմ իմ անձնական պարտավորությունը և նախահեղափոխական հարաբերությունների վերակենդանացման ցանկացած փորձ կկասեցվի ամենախիստ ձևով՝ լինի դա ասֆալտին պառկեցնելով, պատերին տալով, թե լինի դա որևէ կերպ, իհարկե, օրինական միջոցներով», – ընդգծեց Փաշինյանը։
Մանրամասները՝ տեսանյութում։
Աղավնի Սուքիասյան
