02.07.2026 | 23:29
Կալանավորվել է գնդապետ Էդիկ Մալոյանը
«100-ամյակը նշվելու է մեծ շուքով, Սիմոնյանը լուծում է անձնական հարցեր». Արայիկ Հարությունյան. ՏԵՍԱՆՅՈՒԹ
Հասարակություն
21.02.2019 | 09:41
«100-ամյակը նշվելու է մեծ շուքով, Սիմոնյանը լուծում է անձնական հարցեր»,- ֆեյսբուքյան ուղիղ հեռարձակմամբ ասաց ՀՀ կրթության և գիտության նախարար Արայիկ Հարությունյանը՝ անդրադառնալով Երևանի պետական համալսարանի 100-ամյակը նշելու հարցին:
«Արամ Սիմոնյանը ստել է՝ ասելով, որ 100-ամյակը չի նշվելու, քանի որ ինքն է ռեկտոր»,- ասաց ԿԳ նախարարը՝ տեղեկացնելով, որ շուտով հանձնաժողով է ստեղծվելու՝ մեծ շուքով նշելու համար մայր բուհի 100-ամյա հոբելյանը:
Արայիկ Հարությունյանը հայտարարեց, որ Արամ Սիմոյնանն ասել է, որ ԵՊՀ-ն իրեն պետք է իր դեմ հարուցված քրեական գործերից պաշտպանվելու համար:
Հիշեցնենք, որ երեկ ՀՀ ոստիկանությունը հաղորդագրություն էր տարածել, ըստ որի՝ «Բուհի ղեկավար պաշտոնատար անձը ընկերության ղեկավարից որպես կաշառք ստացել է 10.000 դոլար ընդհանուր արժողությամբ գույք: Այլ կերպ ասած՝ ընկերության ղեկավարը մասնակի վերանորոգել է նրա բնակարանը և առանձնատունը, ինչպես և ջեռուցման համակարգ է տեղադրել: Այս ամենի դիմաց բուհի ղեկավար պաշտոնատար անձը՝ 2015 թվականին ընկերության հետ շուրջ 400.000.000 դրամի շինաշխատանքների կատարման պայմանագիր է կնքել»:
Ինքը՝ Արամ Սիմոնյանը, Factor.am-ի հետ զրույցում «բացարձակ հերյուրանք» համարեց իրեն վերագրվող կաշառքը:
Մանրամասները՝ տեսանյութում:
