02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Դավիթ Պետրոսյանը՝ 2018 թվականի «Երիտասարդ առաջնորդ». ՏԵՍԱՆՅՈՒԹ
Հասարակություն
20.02.2019 | 17:27
Այսօր Մատենադարանում կայացած «Համընդհանուր իրավունքների» 2018 թ․ մրցանակաբաշխության ընթացքում «Երիտասարդ առաջնորդ» անվանակարգում մրցանակը շնորհվեց «Ռեստարտ» ուսանողական նախաձեռնության անդամ Դավիթ Պետրոսյանին։
Մրցանակն արժևորում է այն երիտասարդ առաջնորդին, որը բացառիկ աշխատանք է տարել այլ անձանց կազմակերպելու և ժողովրդավարությունն ու մարդու իրավունքներն առաջ մղելու ուղղությամբ։
«Տեղի ունեցած փոփոխությունները մեզ շատ լուրջ հնարավորություններ են տվել զարգանալու համար։ Շատ կարևոր է, որ այն արժեքները, որոնց մասին այս հարթակից խոսում ենք, դառնան մեր համակեցության կանոններն ու սկզբունքները։ Կարծում եմ, եթե ցանկանում ենք կայուն և արագ զարգացում ունենալ, պետք է հեղափոխական փոփոխություններ իրականացնենք։ Այդ հարցում հատկապես կարևորում եմ կրթական ոլորտը»,- նշեց Դավիթ Պետրոսյանը։
Համընդհանուր իրավունքների մրցանակաբաշխությունն առաջին անգամ Հայաստանում միջազգային համայնքի կողմից կազմակերպվել է 2012 թվականին՝ ի մեծարումն այն անհատների և կազմակերպությունների, որոնք իրենց ամենօրյա գործունեությամբ ձգտում են գերազանցության, մարդու իրավունքների խթանման, ներառականության և բարեփոխումների՝ այդ գործընթացում հաճախ անտեսելով սեփական շահն ու անգամ վտանգելով իրենց կյանքը։ 2018 թվականին Համընդհանուր իրավունքների մրցանակները տրամադրվեցին 9 անվանակարգերում։
Մանրամասները՝ տեսանյութում:
Նելլի Մելքոնյան
