09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գործադիրը 2350 CV է ստացել. կադրային բանկում ընդգրկվել է 50 մասնագետ, բայց որեւէ մեկն աշխատանքի չի ընդունվել
Քաղաքականություն
18.02.2019 | 22:29
2018 թվականի նոյեմբերի 19-ից առ այսօր կառավարության կադրային բանկը ստացել է երկու հազար երեք հարյուր հիսուն (2350) ինքանակենսագրական (CV):
Այս մասին Factor.am-ի գրավոր հարցմաննց ի պատասխան՝ տեղեկացնում են վարչապետի աշխատակազմի տեղեկատվության եւ հասարակայնության հետ կապերի վարչությունից:
Հիշեցնենք, որ ՀՀ վարչապետ Նիկոլ Փաշինյանը 2018 թվականի նոյեմբերի 19-ին ֆեյսբուքյան իր էջում գրառում էր կատարել եւ տեղեկացրել, որ ստեղծվում է կադրային բանկ: Նպատակն այն էր, որ տարբեր ոլորտի որակյալ մասնագետները հնարավորություն ունենան իրենց որակական հատկանիշների մասին տեղեկացնել գործադիր մարմնին, իսկ պահանջներին բավարարելուց հետո էլ աշխատանքի կընդունվեն որեւէ գերատեսչությունում:
Այս պահին՝ վարչապետի հայտարարությունից երեք ամիս անց, սակայն, նշյալ երկու հազար երեք հարյուր հիսուն անձանցից որեւէ մեկը կառավարությունում կամ այլ պետական գերատեսչությունում աշխատանքի չի անցել:
Այս մասին տեղեկանում ենք մեզ ուղարկված գրավոր պատասխանից: Սակայն, վարչապետի աշխատակազմի տեղեկատվության եւ հասարակայնության հետ կապերի վարչությունից Factor.am-ի այն հարցին, թե քանի մասնագետ կա, որոնց մասնագիտական չափանիշները համապատասխանել են կառավարության պահանջներին եւ նրանք ընդգրկվել են կադրային բանկ, նշել են. «Կադրային բանկում ընդգրկվել է 50 մասնագետ, ըստ ոլորտային ճյուղերի դասակարգում դեռեւս չի իրականացվել:
Դիտարկվում է մի քանի տարբեր նախարարություններում աշխատանքի ընդունելու տարբերակը, որի վերաբերյալ տեղեկատվությունը կտրամադրվի վերջնական որոշում կայացնելուց հետո»:
Վարչապետի աշխատակազմից նաեւ տեղեկացրել են, որ համապատասխան աշխատանքային խումբը շարունակում է ինքնակենսագրականներ ստանալ:
Նարեկ Կիրակոսյան
