13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Կինոռեժիսոր Հովհաննես Գալստյանը հրապարակել է Լիլիթ Մակունցի հետ հանդիպման ձայնագրությունը. ՏԵՍԱՆՅՈՒԹ
14.02.2019 | 19:05
Արդեն երկրորդ անգամ հացադուլ սկսած կինոռեժիսոր Հովհաննես Գալստյանն այսօր հրավիրված ասուլիսի ընթացքում անդրադարձավ իր և մշակույթի նախկին նախարար Լիլիթ Մակունցի հանդիպմանը, նշելով, որ որոշել է հրապարակել Մշակույթի նախարարությունում տեղի ունեցած եռակողմ քննարկման ձայնագրությունը։
Դեկտեմբերի 12-ի քննարկմանը կինոռեժիսորից և Լիլիթ Մակունցից բացի, մասնակցել է նաև Հայաստանի ազգային կինոկենտրոնի տնօրեն Շուշանիկ Միրզախանյանը։
Ձայնագրության մեջ հստակ լսվում է՝ ինչպես է Լիլիթ Մակունցը հստակ երաշխիքներ տալիս առ այն, որ երկօրյա ժամկետում՝ դեկտեմբերի 14-ին, իրավաբանները բոլոր փաստաթղթերը կհավաքագրեն և համապատասխան եզրակացություններ տան։ Մակունցը նշում է նաև, որ Հայաստանի ազգային կինոկենտրոնը Հովհաննես Գալստյանին պատկանող «Պարալելս» կինոընկերությանը փուլ առ փուլ փոխանցումներ կատարի․ օրինակ՝ մինչև 2019 թվականի հունվարի վերջ 20 մլն դրամի չափ գումար կփոխանցի։
Նելլի Մելքոնյան
