03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
ԵՊՀ ուսանողները պահանջում են ռեկտորի հրաժարականը
Հասարակություն
14.02.2019 | 11:52
ԵՊՀ ուսանողները համալսարանի գլխավոր շենքի բակում իրազեկման երթ իրականացրին: Նրանք պահանջում էին ռեկտոր Արամ Սիմոնյանի հրաժարականը:
Ուսանողների իրազեկման երթը մեկնարկեց ԵՊՀ գլխավոր մասնաշենքի հարակից տարածքից, որից հետո շրջեցին բոլոր մասնաշենքերով՝ իրազեկելով ուսանողներին իրենց նախաձեռնության մասին և հորդորելով միանալ իրենց։
Ուսանողների կարծիքով՝ միայն ռեկտորի հրաժարականի դեպքում ԵՊՀ-ում առկա խնդիրները կստանան իրենց տրամաբանական լուծումները, դրական տեղաշարժեր կլինեն և հնարավոր կլինի քայլ առ քայլ կրթական ոլորտում բարեփոխումների հասնել։ Ուսանողներն անվստահություն են հայտնում ԵՊՀ ռեկտորին և հոգաբարձուների խորհրդից պահանջում անհապաղ արտահերթ նիստ, որի ընթացքում կքննարկեն Արամ Սիմոնյանի հրաժարականը և այլ հարցեր։
Համալսարանում առկա խնդիրների շարքում ակցիայի մասնակիցները նշում էին ֆինանսական չարաշահումները, կրթության ոչ բավարար որակը, անհրաժեշտ մասնագիտակա գրականության բացակայությունը, ինչպես նաև ռեկտոր Արամ Սիմոնյանի պաշտոնավարման առաջին տարիներից անկատար մնացած խոստումները։
Նելլի Մելքոնյան
