28.09.2026 | 12:40
Հարավային Կորեան Կիևից պաշտոնական ներողություն է պահանջում հյուսիսկորեացի գերիների շուրջ սկանդալի պատճառով
Կառավարության ծրագրի բովանդակության մասով ընդդիմությունից կառուցողական առաջարկներ չեմ լսել. Տիգրան Ավինյան. ՏԵՍԱՆՅՈՒԹ
Քաղաքականություն
13.02.2019 | 15:43
Այս երկու օրվա ելույթներից ես մի բան հասկացա, որ այդպես էլ բովանդակային քննարկումներ չծավալվեցին և չեն ծավալվելու: Փետրվարի 13-ին Ազգային ժողովում լրագրողների հետ զրույցում ասաց փոխվարչապետ Տիգրան Ավինյանը՝ անդրադառնալով հարցին՝ պատրա՞ստ են ընդդիմության դիտարկումները ևս ընդգրկել Կառավարության ծրագրում:
«Կառավարության ծրագրի բովանդակության հետ կապված ընդդիմության կողմից կառուցողական առաջարկներ այս ֆորմատում չեմ լսել: Անընդհատ այն բանավեճի մեջ են, որ թիվ կա, թիվ չկա»:
Հարցին, թե ընդդիմությունից բողոքներ կան, որ իրենց հետ նախապես ծրագիրը չի քննարկվել, Ավինյանը պատասխանեց. «Չգիտեմ, թե ՀՀԿ-ականների ժամանակ ինչպիսի ավանդույթներ են եղել, բայց սա Կառավարության ծրագիրն է, որը ներկայացվում է 20-օրյա ժամկետում: Սրա համար ամբողջական պատասխանատվությունը կրում է Կառավարությունը, ո՛չ Ազգային ժողովը: Կառավարությունը պատրաստ է քննարկել առաջարկներ, բայց սա Կառավարության և Ազգային ժողովի ծրագիրը չէ»:
Մանրամասները՝ տեսանյութում:
