03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Կառավարության ծրագրում մեր մտահոգությունների մեծ մասը փարատված չէ․ Գևորգ Գորգիսյան. ՏԵՍԱՆՅՈՒԹ
Քաղաքականություն
12.02.2019 | 16:43
«Լուսավոր Հայաստան» կուսակցության խորհրդարանական խմբակցությունում դեռ չեն որոշել՝ ինչպես են քվեարկելու Կառավարության ծրագրին, որը սկսել են քննարկել Ազգային ժողովում: Խմբակցության պատգամավոր Գևորգ Գորգիսյանի խոսքով՝ ծրագրի հետ կապված «Լուսավոր Հայաստան»-ի մտահոգությունների մեծ մասը դեռ չի փարատվել:
«Հիմա մենք հարցերով փորձում ենք պարզաբանումներ ստանալ այն բացերի վերաբերյալ, ինչ չենք գտել ծրագրում, այն մոտեցումների վերաբերյալ, ինչը խնդրահարույց ենք համարում: Եվ այդ ամենից հետո միայն կկարողանանք քննարկել և մեր դիրքորոշումն ասել»,- հավելեց պատգամավորը:
Գևորգ Գորգիսյանի խոսքով՝ իրենց բարձրացրած հարցերին մինչև հիմա որևէ անդրադարձ վարչապետի ելույթում չի եղել. «Հիմա մեր հարցերով փորձելու ենք նրա ուշադրությունը կրկին հրավիրել այդ հարցերի վրա, տեսնենք՝ ինչ պատասխաններ կստանանք»:
Մանրամասները՝ տեսանյութում:
