19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Էն ուսուցիչը, որը 25 հազար դրամով գնում է գործի, փաստորեն, իր գիտելիքն այդքա՞ն է գնահատում․ Փաշինյան. ՏԵՍԱՆՅՈՒԹ
Հասարակություն
12.02.2019 | 15:18
Աշխատանք ունեցող, սակայն աղքատության շեմին կանգնած քաղաքացիների վարձատրության չափի մասին այսօր ԱԺ նիստի ընթացքում խոսեց վարչապետ Նիկոլ Փաշինյանը։
Վարչապետը նշեց, որ ինն ամիսների ընթացքում 85 հազար մարդու նպաստ է ավելացվել, 220 հազար մարդու աշխատավարձ ավելացել։ Մասնավորապես՝ առողջապահական համակարգում աշխատավարձերի բարձրացում է իրականացվել, և այդ պրոցեսը շարունակվելու է։
Մանկավարժների ցածր աշխատավարձերին անդրադառնալով, Փաշինյանը նշեց, որ շուրջ 10 հազար հաստիք կա, որոնց կարիքը չի նկատվում։ Որոշ մանկավարժներ ստանում են 25 հազար դրամ, այնինչ՝ պետական բյուջեով հաստատված է, որ տվյալ հաստիքը 125 հազար դրամ է։
«Պատճառը պարզ է․ մեկ հաստիքի վրա չորս մարդ է նշանակված աշխատանքի։ Այստեղ հարցը հետևյալն է․ 25 հազար դրամ աշխատավարձ ստացող ուսուցիչն ի՞նչ գիտելիք է փոխանցելու մեր երեխաներին։ Ինքն իր գիտելիքը 25 հազար դրա՞մ է գնահատում»,- պարզաբանեց Նիկոլ Փաշինյանը։
Մանրամասները՝ տեսանյութում:
Նելլի Մելքոնյան
