16.01.2026 | 15:07
Սուրեն Պապիկյանն այցելել է ՊՆ զորամասերից մեկը
«Արամ Սարգսյանն ասաց, որ ինքը մրցակցությունից դուրս է գալիս»․ ԵԿՄ նախագահի միակ թեկնածուն Սասուն Միքայելյանն է
Քաղաքականություն
11.02.2019 | 19:09
Փետրվարի 11-ին ԵԿՄ վարչությունում տեղի է ունեցել հավաք, որի ընթացքում, միաձայն որոշմամբ, ԵԿՄ նախագահի պաշտոնում առաջադրել են Սասուն Միքայելյանի թեկնածությունը։
«Միշտ էլ կարծիքներ են եղել, թե՛ Արամ Սարգսյանի թեկնածության օգտին, թե՛ Սասուն Միքայելյանի։ Նրանք երկուսն էլ մտերիմ ընկերներ են, իրար մեջ էլ են հարցը քննարկել և այսօր Արամ Սարգսյանն ասաց, որ ինքը մրցակցությունից դուրս է գալիս։ Չի պատրաստվում առաջադրվել»,- այս մասին Factor.am-ի հետ զրույցում ասաց ԵԿՄ վարչության նախագահի պաշտոնակատար Արա Կետիկյանը:
Հարցին, թե չկային Միքայելյանի թեկնածության առաջադրմանը դեմ քվեարկող ազատամարտիկներ, Կետիկյանը պատասխանեց․ «Բոլորը միաձայն կողմ են քվեարկել երկու բանի համար, որ կա անհրաժեշտություն արտահերթ համագումարի, որի ժամկետները առաջիկայում կճշտենք՝ կասենք, և որ այդ համագումարում առաջադրելու ենք Սասուն Միքայելյանի թեկնածությունը։ Ազատամարտիկներն այլ թեկնածուների չեն առաջադրել»։
Սասուն Միքայելյանի՝ ԵԿՄ նախագահի պաշտոնում ընտրելու հարցը վերջնական կորոշվի ԵԿՄ արտահերթ նիստում, որի օրը դեռևս հստակեցված չէ։
Լիլիթ Շաբոյան
