Հասարակություն
08.02.2019 | 15:16Ինչպես արդեն տեղեկացրել էինք, ԱԺ նախկին պատգամավոր, գեներալ Մանվել Գրիգորյանը կալանավայրից տեղափոխվել է «Նաիրի» բժշկական կենտրոն՝ հետազոտվելու։
«Մանվել Գրիգորյանը հիվանդանոց է բերվել պահակախմբի և կալանավայրի բժշկի ուղեկցությամբ ու տեղափոխվել է հետազոտվելու»,- այս մասին ասաց «Նաիրի» բժշկական կենտրոնի գործադիր տնօրեն Անատոլի Գնունին։
Factor.am-ի հարցին, թե ստացվում է, որ մամուլի այն հրապարակումները, թե նա ծայրահեղ ծանր վիճակում է տեղափոխվել, իրական չե՞ն, բժիշկը պատասխանեց․ «Այո, չեն համապատասխանում իրականությանը։ Ինքն առայժմ գտնվում է հետազոտությունների փուլում, դրանց արդյունքների հիման վրա նոր պարզ կլինի՝ կմնա՞ նա հիվանդանոցում, թե՝ ոչ։ Նա ունի մի շարք հիվանդություններ, որոնք, ամենայն հավանականությամբ, սրվել են»։
Մանրամասները՝ տեսանյութում։
Լիլիթ Շաբոյան
