16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Մանվել Գրիգորյանին կալանավայրից տեղափոխել են «Նաիրի» ԲԿ
08.02.2019 | 13:39
ԱԺ նախկին պատգամավոր Մանվել Գրիգորյանին տեղափոխել են «Նաիրի» բժշկական կենտրոն՝ հետազոտման։ Այս մասին Factor.am-ին ասաց քրեակատարողական վարչության հանրային կապերի բաժնի պետ Նոնա Նավիկյանը։
Գրիգորյանի պաշտպան Արսեն Մկրտչյանն ասաց, որ առավոտյան է հանդիպել իր պաշտպանյալին, բայց հիվանդանոց տեղափոխելու մասին տեղեկություն չունի․ «Ինչպես միշտ առողջությունը վատ էր, բայց մանրամասներ չգիտեմ»։
Մանվել Գրիգորյանը հունվարի 22-ին կրկին կալանավորվել էր։ Նրա պաշտպանները դատարան են դիմել Գրիգորյանին գրավի դիմաց ազատ արձակելու միջնորդությամբ, որի վերաբերյալ դեռ դատարանի որոշում չունեն։ Պաշտպանն ասաց, որ քանի դեռ Գրիգորյանը գտնվում է կալանքի տակ, իրենք պարբերաբար գրավի միջնորդություններ կներկայացնեն դատարան։
Հիշեցնենք, որ նա դեկտեմբերի 21-ին, 25 միլիոն գրավի դիմաց ազատ էր արձակվել։ Մանվել Գրիգորյանը մեղադրվում է ապօրինի կերպով ռազմամթերք ձեռք բերելու և պահելու, ինչպես նաև առանձնապես խոշոր չափերով գույք հափշտակելու մեջ։ Գրիգորյանին պատկանող տարածքներում Ազգային անվտանգության ծառայությունը հայտնաբերել էր «զինվորի բաժին» նշագրումով սնունդ, նաև 2016 թվականի ապրիլյան քառօրյա պատերազմի օրերին առաջնագիծ ուղարկվելիք այն արկղերը, որոնք լի էին հիգիենիկ պարագաներով, դեղորայքով, զինվորական հանդերձանքով, իսկ դրանցից որոշներում դեռ մնացել էին զինվորներին հասցեագրված դպրոցականների նամակները։ Մանվել Գրիգորյանը կալանավորվել էր այս տարվա հունիսին։
Լիլիթ Շաբոյան
