12.03.2026 | 17:45
Օլիգարխներին ու նախկիններին ժողովուրդը հունիսի 7-ին պետք է ուղարկի գրողի ծոցը․ Ավինյան․ ՏԵՍԱՆՅՈՒԹ
Պատգամավորների կողմից մտահոգություն կար. Ջանջուղազյանը մանրամասնում է «Իմ քայլի» հետ հանդիպումը. ՏԵՍԱՆՅՈՒԹ
Քաղաքականություն
07.02.2019 | 20:08
Քիչ առաջ ավարտվեց ֆինանսների նախարար Ատոմ Ջանջուղազյանի և «Իմ քայլը» խմբակցության հանդիպումը: Այն տևեց մոտավորապես հինգ ժամ: Օրակարգում ֆինանսների նախարարության աշխատակիցների պարգևավճարների չափն էր և հարկային օրենսգիրքը:
«Պատգամավորների կողմից մտահոգություն կար և պարզաբանման կարիք ունեցող հարցեր կային»,- ասաց նախարարը:
Հարցին՝ պարգևավճարների չափն էր անհանգստացնողը, Ջանջուղազյանն ասաց, որ ընդհանուր պարգևավճարների համակարգն է անհանգստացնող եղել:
Նախարարն ասաց, որ պետական կառույցի պարգևավճարի ֆոնդը աշխատավարձի բյուջեի 30 տոկոսն է և այժմ չափորոշիչներ են մտածում, թե այդ բյուջեի շրջանակներում պարգևատրումներն ինչ համակարգով պետք է իրականացնեն: Ատոմ Ջանջուղազյանը հայտարարեց, որ վերացվում են պետական կառույցների արտաբյուջեները: Սա գործելու է մյուս տարվա հունվարից: Այս փոփոխության համար այժմ օրենսդրական փաթեթ է մշակվում:
Հայկ Վարդանյան
