16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Պարգևատրումների գումարը կես միլիոն դոլարից ավելի է. Ջանջուղազյանը հաստատում է. ՏԵՍԱՆՅՈՒԹ
Հասարակություն
07.02.2019 | 14:41
Բյուջեի մասին օրենքով Ֆինանսների նախարարության համար նախատեսված պարգևավճարների ֆոնդից ավելի ոչինչ չի վճարվել: Փետրվարի 7-ին Ազգային ժողովում լրագրողների հետ զրույցում այս մասին ասաց ՀՀ ֆինանսների նախարար Ատոմ Ջանջուղազյանը:
Դիտարկմանը, թե պաշտոնական հարցմանը պատասխան է ստացվել, ըստ որի՝ Ֆինանսների նախարարությունը մոտ կես միլիոն դոլարի չափով պարգևավճարներ է բաժանել, արդյոք շատ չէ՞, նախարարը պատասխանեց. «Պետք է առաջարկեմ, որպեսզի առաջնորդվեք օրենսդրությամբ: ԱԺ-ի կողմից հաստատված «Բյուջեի մասին» ՀՀ օրենքով Ֆինանսների նախարարության համար նախատեսված պարգևավճարների ֆոնդից ավելի չի վճարվել: Եվ ոչ թե ձեր ասած կես միլիոն դոլարի մասին է խոսքը, այլ ավելի մեծ է գումարը, և թիվն էլ կարող եմ ասել: 2018 թվականին եղել է ամբողջ աշխատավարձի ֆոնդի 10 տոկոս՝ գումարած 30 տոկոս: 10 տոկոսը քաղաքացիական ծառայողների համար օրենքով նախատեսված չափն է, 30 տոկոսն էլ եղել է պարգևատրման համար նախատեսված առանձին ֆոնդ»:
Հարցին՝ ճի՞շտ են մամուլում շրջանառվող լուրերը, թե ինքը՝ նախարարը, 10 հազար դոլարի չափով պարգևավճար է ստացել, Ատոմ Ջանջուղազյանը պատասխանեց, որ լրատվամիջոցներն իրեն այդ հարցն ուղղելու հնարավորություն ունեցել են:
«Թեպետ ինձ զարմացնում է, որ այդ հարցն է տրվում՝ ընձեռված հնարավորությունից օգտվելու փոխարեն: Վերջին 20 տարիներին իմ զբաղեցրած պաշտոնն այնպիսին է, որ կան օրենքով նախատեսված պահանջներ, թե որքան չափով ես պետք է հրապարակային լինեմ, ինչ անձնական տվյալներ եմ պարտավոր հրապարակել, և դրանք հրապարակված են: Կարող եք հանգիստ ուսումնասիրել, թե որքան եմ ստացել 2017 թվականին՝ որպես աշխատանքի դիմաց վարձատրություն, և ոչ շատ հեռու ապագայում հնարավորություն կունենաք նաև համեմատել, թե ինչքան եմ ստացել 2018-ին: Դա մոտավորապես 10 տոկոսի տարբերություն է՝ 2017-ի համեմատ: Ինձ թվում է՝ առնվազն 10 տոկոսի չափով իմ պատասխանատվությունը 2018 թվականին ավելացել է»,- նշեց Ատոմ Ջանջուղազյանը:
Մանրամասները՝ տեսանյութում:
