02.07.2026 | 20:24
ՔՊ խմբակցության ղեկավարի թեկնածու է ընտրվել Արուսյակ Մանավազյանը. Նիկոլ Փաշինյան. ՏԵՍԱՆՅՈՒԹ
Գիտության նկատմամբ կառավարության վերաբերմունքը չի փոխվել. ԵՊՀ աշխատողների բողոքի ակցիան. ՏԵՍԱՆՅՈՒԹ
Հասարակություն
06.02.2019 | 12:51
Մայր ԲՈՒՀ-ի շուրջ 450 աշխատակից կանգնած է աշխատանքը կորցնելու վտանգի առաջ։ Անցած տարվա դեկտեմբերի 27-ին կառավարությունը որոշում է կայացրել հիմնադրամներին, այդ թվում՝ ԵՊՀ-ին, գիտական և գիտատեխնիկական գործունեության բազային ֆինանսավորում հատկացնել մրցութային կարգով։
Այսօր առավոտյան ԵՊՀ-ի ֆեյսբուքյան էջում հայտարարություն էր տարածվել, ըստ որի՝ մի շարք գիտաշխատողներ բողոքի ակցիա իրականացնելու որոշում են կայացրել:
Առավոտից մեկնարկած ակցիայի ընթացքում մասնակիցները քայլերթով շարժվեցին դեպի ՀՀ կառավարության շենք՝ պահանջելով անվավեր ճանաչել 2018-ի դեկտեմբերի 27-ին ընդունված «Հայաստանի Հանրապետության 2019-ի պետական բյուջեի կատարումն ապահովող միջոցառումների մասին» N 1515-Ն որոշումը:
Որոշման համաձայն՝ հիմնադրամ հանդիսացող բուհերի համար փոփոխվում է գիտական և գիտատեխնիկական գործունեության բազային ֆինանսավորման նախկին ձևը: ԵՊՀ գիտաշխատողները վստահ են, որ ընդունված որոշումը բացասական հետևանքներ կունենա և կվնասի գիտությանը:
«Նշված օրենքով չկա որևէ դրույթ, որը ենթադրում է բազային ֆինանսավորման հատկացումը մրցութային կարգով։ Գիտահետազոտական ենթակառուցվածքների կառուցման և զարգացման համար ֆինանսավորումը պետք է լինի անընդհատ»,- նշում են ակցիայի մասնակիցները։
Մանրամասները՝ տեսանյութում:
Նելլի Մելքոնյան
