Փողը կա, դպրոցը կա, ու՞մ եք սպասում․ վարչապետը զարմացած է. ՏԵՍԱՆՅՈՒԹ

ՀՀ Կառավարության փետրվարի 6-ի նիստում ընդունվեց որոշման նախագիծ, որով կիրականացվեն Հայաստանի Հանրապետության սեփականություն հանդիսացող Տնտեսական զարգացման և ներդրումների նախարարության պետական գույքի կառավարման կոմիտեին ամրացված շենք-շինությունների քանդման (ապամոնտաժման) աշխատանքներ՝  քաղաքաշինության կոմիտեի հետ համաձայնեցված ծավալներին համապատասխան:

Քանդման ենթարկա է 6 դպրոց, որոնք ավելացան արդեն իսկ հաստատված սեյսմակայության խնդիր ունեցող 40 դպրոցների թվին, որոնք Ասիական զարգացման բանկի տրամադրած 80 մլն դոլարի վարկային ծրագրով պետք է վերակառուցվեն:

Վարչապետ Նիկոլ Փաշինյանը հարցը զեկուցող տնտեսական զարգացման և ներդրումների նախարար Սուրեն Պապիկյանից հետաքրքրվեց. «Փողը կա, դպրոցը կա, ո՞ւմ եք սպասում, ինչո՞ւ չենք գնում առաջ: Եթե կա համաֆինանսավորման խնդիր, ապա այն պետք է լուծել արագ, ինչո՞ւ ամեն շաբաթ մեկ դպրոցի հարց չենք լուծում։ Վարկային միջոցը վերցրել ենք, պետք է արդյունավետ և արագ այն օգտագործել»,- նկատեց վարչապետը:

Նշենք, որ Ասիական բանկի տրամադրած 80 մլն դոլարին պետք է գումարվի նաև Կառավարության 20 մլն դոլարի համաֆինանսավորումը։

Վարչապետը հարցի առնչությամբ խոսեց նաև դպրոցների վերակառուցման որակական չափանիշների մասին:

«Ավարտական կառույցի գլխին ոնց որ գրած լինի՝ պետական շինարարություն։ Տրամաբանությունը շատ երկար տարիներ մեր երկրում չի փոխվում, որ պետական շինարարություն է, կարող է մի քիչ ծուռ լինի, մի քիչ գույնը էն չլինի, մի քիչ որակը էն չլինի։ Է՝ պետական շինարարություն ա, էլի։ Բայց ասենք, երբ սեփական շինարարություն է, ամեն անկյունը ծյունինգ արած, մանրամասն։ Էս տրաբանությունն է պետք փոխել։ Հա, դե, դպրոց է, էլի, մեկ է՝ երեխեքը քանդելու են։ Դուք սարքեք, թող երեխեքը քանդեն, ոչ թե դուք քանդեք, երեխեքը քանդելու բան չունենան արդեն»:

Մանրամասները՝ տեսանյութում

Աղավնի Սուքիասյան