09.06.2026 | 00:17
Մարկո Ռուբիոն շնորհավորել է Փաշինյանին
Ինչ պահանջ դրեց Նիկոլ Փաշինյանը նորանշանակ մարզպետների առաջ. ՏԵՍԱՆՅՈՒԹ
Քաղաքականություն
06.02.2019 | 11:58
2018 թվականի արտահերթ խորհրդարանական ընտրությունների ժամանակ «Իմ Քայլը» դաշինքի ռեյտինգային ցուցակով առաջադրված պատգամավորի թեկնածու Հայկ Չոբանյանը նշանակվեց Տավուշի մարզպետ։ Կառավարության մեկ այլ որոշմամբ՝ Տիգրան Պետրոսյանը նշանակվեց Շիրակի մարզպետ:
Կառավարության փետրվարի 6-ի նիստի օրակարգում ընդգրկված որոշման նախագծերն ընդունելուց հետո վարչապետ Նիկոլ Փաշինյանը շնորհավորեց նորանշանակ մարզպետներին:
«Ես ուզում եմ նորանշանակ մարզպետներին ասել, որ մեզ համար առաջնային խնդիր է նոր ներդրումների ներգրավումն ու աշխատատեղերի ստեղծումը, որոնք իրենց հերթին կբերեն սոցիալ-տնտեսական իրավիճակի փոփոխությունների։ Պետական կառավարման բոլոր մարմինները, այդ թվում՝ մարզպետարանները, պետք է երաշխավորեն, որ արհեստական խոչընդոտներ չեն լինի ներդրումային ծրագրերի քննարկման ժամանակ։ Մենք պետք է բոլոր հնարավոր միջոցներով քաջալերենք պոտենցիալ ներդրողներին, նրանց համար ցույց տանք, թե ինչպիսի ներդրումներ կարելի է անել մարզերի և ՀՀ-ի զարգացմանը նպաստելու համար: Այնպես որ՝ Ձեզ հաջողություն եմ մաղթում այդ և մյուս գործերում»,- ասաց վարչապետը։
Մանրամասները՝ տեսանյութում
Աղավնի Սուքիասյան
