03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Մեր առջև դրված խնդիրը մեծամասամբ լուծել ենք, բուհերի խորհուրդները 99%-ով ապաքաղաքականացված են»․ Արայիկ Հարությունյան. ՏԵՍԱՆՅՈՒԹ
Հասարակություն
06.02.2019 | 11:32
ՀՀ Կառավարության փետրվարի 6-ի նիստում ընդունվեց որոշման նախագիծ, որով հաստատեց Հայաստանի ազգային ագրարային համալսարանի ռեկտորի ընտրության արդյունքները և Վարդան Էդիկի Ուռուտյանն ընտրվեց համալսարանի ռեկտոր:
Կրթության և գիտության նախարար Արայիկ Հարությունյանը նշեց, որ բուհի խորհուրդն է ընտրել ռեկտորին, իսկ խորհուրդները գրեթե ապաքաղաքականացված են։
«Մենք մեր առջև դրված խնդիրը մեծամասամբ լուծել ենք, խորհուրդները 99%-ով ապաքաղաքականացված են»,-ընդգծեց նախարարը։
Վարչապետ Նիկոլ Փաշինյանը նկատեց, որ բուհերն ապաքաղաքականացնելու խնդիրը եղել է իրենց քաղաքական ուղեգիծը:
«Թեև այսօր հնչում են մեղադրանքներ, որ բուհերում որևէ բան չի փոխվել, ինչպես նախկինում կային, այսօր էլ նույն իրողությունները շարունակվում են, սակայն պետք է արձանագրենք, որ Կառավարությունը բուհական իրավիճակին չմիջամտելու ռազմավարություն ունի, հետևաբար՝ այսօր օրենքով չնախատեսված միջամտությունների տրամաբանությունից մեզ դուրս ենք դնում»,- ասաց վարչապետը՝ նշելով, որ առկա է նաև բուհերի դասախոսական կազմին և ուսանողներին առավել կառուցողական դարձնելու խնդիր։
Խոսելով իր ակնկալիքների մասին՝ վարչապետը նշեց, որ բարձրագույն կրթության մեջ գիտահետազոտական աշխատանքը պետք է առավել մեծ ներկայություն ունենա:
«Մի շարք պետական գործառույթներ, որոնք գտնվում են գյուղնախարարության ներքո, կարող ենք արտապատվիրակել Ագրարային համալսարանին, որպեսզի մասնագիտական կարողությունները ներառվեն պետական կարևոր գործառույթների մեջ և ուսանողները կարողանան հնարավորություն ունենալ աշխատել: Այս առումով մեծ հույսեր ենք կապում Ագրարային համալսարանի հետ»,- ասաց Նիկոլ Փաշինյանը:
Մանրամասները՝ տեսանյութում
Աղավնի Սուքիասյան
